1 Ian 4:1 - Библия - Пэ Балтитко Романи чиб (Романэс) 2019

¹ Дро́га мирэ́! На патя́н кажнонэ́ духоскэ, а спробинэн (пропатякирэн) ду́хи, ци Дэвлэ́стыр исын ёнэ, пал-дова́ со бут хоханэ́ проро́ки явэ́на дро свэ́то.

Biblija - Pe Baltitko Romani čib (Romanes) 2019

¹ Dróga miré! Na patián kažnoné duhoske, a sprobinen (propatiakiren) dúhi, ci Devléstyr isyn jone, pal-dová so but xohané proróki javéna dro svéto.

1 Ian 4:1 Referans Kwoze

1 Фесалоникийцэнгэ 5:21

нэ спробинэн саро́, рикирэ́н зоралэ́с кэ лачхипэ́н.

2 Petr 2:1

Нэ сыр сыс хоханэ́ проро́ки машки́р манушэ́ндэ, адя́кэ-паць явэ́на и хоханэ́ сыклякирибнаскирэ машки́р тумэ́ндэ, савэ́ явэ́на чораханэ́с тэ ракирэ́н хасибны́тка сыклякирибэна пэ́скирэ кампаниендыр и на явэ́на тэ приґалён Рас-Дэвлэ́с, Саво́ выкиндя лэн, далэ́ ракирибнаса ёнэ янэ́на кокорэ́ пэ́скэ сы́гно хасибэ́н;

1 Ximaske 4:1

Ду́хо (Фа́но) маму́й ракирэ́ла, со дро палатуно́ (последнё) часо бут мануша́ мэкэ́на тэ патя́н, лэ́на тэ кандэ́н хоханэ́ ду́хи и тэ шунэ́н бэнгланэ-духэнгиро сыклякирибэ́н;

2 Ian 1:7

Пал-дова́ со бут хохаибнарья загинэ́ дро свэ́то, савэ́ на приґалёна, со Ису́со Христо́со явдя́ дро манушы́тко лоч. Кадасаво́ ману́ш исын хохаибнари и вэ́рго (врого) Христосо́скэ.

Pritčy 14:15

Простонэ-годякирэ мануша́ патя́на кажнонэ́ лавэ́скэ, нэ барэ́-годя́киро ману́ш обдуминэла лачхэ́с кажно шаго (ламны).

1 Коринфянэнгэ 14:29

Мэк проро́ки тэ ракирэ́н дуй ци трин, а мэк яви́р мануша́ тэ роскэдэнпэ, со ёнэ ракирэ́на.

1 Ian 2:18

Тэрнэ́ мануша́лэ! Дава́ исын палатуно́ (последнё) часо. И пал-дова́ со тумэ́ шундлэ́, со явэ́ла антихристо и какана́ явнэ́ пэ якха́ бут антихристы, амэ джина́са далэ́стыр, со явдя́ палатуно́ часо.

Luka 12:57

А со́скэ тумэ́ на роскэдэнапэ ваш пэ́скэ, со исын чачипэ́н?

Luka 21:8

И пхэндя́ Ису́со: “Ракхэ́нпэ, соб (кай) нико́н тэ на хохавэ́л тумэн, пал-дова́ со бут явэ́на кэ тумэ́ Мирэ́ лавэ́са и явэ́на тэ ракирэ́н: ‘Мэ сом Ёв,’ и ‘Часо явдя́;’ на джа́н пал лэ́ндэ.

2 Ximaske 3:13

А фуй мануша́ и хоханэ́ сыклякирибнарья явэ́на буты́р тэ хохавэн и тэ залыджан дро хохаибэ́н явирэ манушэ́н и тэ хохавэн кокорэ́ пэс.

Sykadyipén 2:2

“Мэ джино́м (джина́в) Тыри́ буты́ и сыр бут ту кэрдя́н буты́, и тыро́ вырикирибэн, и дова́, со ту на могинэ́са тэ пирилыджас чорэ́ манушэ́н, и со ту пропатякирдян кодолэ́н, савэ́ пхэнэ́на пэ пэ́стэ “Апо́столы” и савэ́ нанэ, со ту латхян, со ёнэ исын хохаибнарья;

1 Коринфянэнгэ 12:10

а явирэ манушэ́скэ тэ кэрэ́л ди́вы, явирэ-манушэ́скэ тэ ангилпхэнэн, явирэ манушэ́скэ тэ ґалёл рознь машки́р лачхэ́ и налачхэ́ ду́хи, явирэ манушэ́скэ тала́но тэ ракирэ́л пэ наджиндлэ чиба́ (чибья́), и явирэ манушэ́скэ тала́но тэ пирипхэнэл, со ракирлапэ пэ чиба́ (чибья́).

Apostolengiri Butý 20:29

Мэ джино́м, со ке́ли ман на явэ́ла, кэ тумэ́ явэ́на холямэ́ мануша́, сыр рува́, савэ́ на явэ́на тэ тангинэн (жалинэн) дэвлытконэн;

Marko 13:21

Тэ́ньци ко́ли вари-кон пхэнэ́ла тумэ́нгэ: ‘Ѓа́да, исын Христо́со!’ Ци ‘Ёв исын одо́й’, – на патя́н,

Ереме́ё 5:31

проро́ки ангилпхэнэна хохаибэ́н, рашая́ хулаинэна лэ́нгирэ лавэ́нца, и Мирэ́ мануша́ камэ́на дава́. Нэ со ёнэ явэ́на тэ кэрэ́н дро ко́нцо (дро яго́ро)?”

Apostolengiri Butý 17:11

Адалэ́ мануша́ сыс патывалэдыр Фесалоникийцэндыр, ёнэ барэ́ якхэ́нца шундлэ́ пхэныбнытко лав, кажно дывэ́с ёнэ роскэдэнас Свэ́нто Чхиныбэ́н, соб (кай) тэ джинэ́н, ци чачипэ́н Па́вли ракирдя́.

3 Kralip 13:18

И пхэндя́ ёв лэ́скэ: “И мэ сом проро́ко адасаво́-паць, сыр ту сан, и Янго́ло ракирдя́ ма́нгэ Ра́скирэ-Дэвлэ́скирэ лавэ́са, и пхэндя́: ‘Ри́скир лэс кэ пэ дро кхэр; мэк ёв тэ похал маро́ и тэ выпьел пани́’”. – Ёв хохадя лэ́скэ.

Ереме́ё 14:14

И пхэндя́ Рай Дэвэ́л ма́нгэ: “Проро́ки ангилпхэнэна хохаибэ́н Мирэ́ лавэ́стыр; Мэ на бичхадём лэн, и Мэ на припхэндём лэ́нгэ, и Мэ на пхэндём лэ́нгэ: ёнэ ангилпхэнэна тумэ́нгэ хохано́ дыкхибэ́н (суныбэн), и чхучэ́ чары; дова́, со на мол ничы́, и хохаибэ́н, со джа́ла лэ́нгирэ илэндыр.

Ереме́ё 23:16

Адя́кэ ракирэ́ла янголэ́нгиро-болыбна́скиро Рай Дэвэ́л: “На причхувэ́н кан кэ лава́, со проро́ки ангилпхэнэна тумэ́нгэ. Ёнэ дылнякирэна тумэн; ёнэ ракирэ́на пал годэнгиро суно́, саво́ исын пэ ило́ лэ́ндэ, а на дова́, со Рай Дэвэ́л ракирэ́ла.

1 Фесалоникийцэнгэ 5:20

на дыкхэ́н вучипна́стыр пэ пророкэнгиро лав;

2 Фесалоникийцэнгэ 2:2

И соб (кай) тумэ́ тэ на сыгнён тэ зджан годятыр ци и тэ на пиридживэн пал духоскиро сыкаибэ́н, ни лавэ́стыр, ни лылэстыр, сы́рбы дава́ амэ бичхадям, савэ́ выпхэнэна, со Ра́скирэ-Дэвлэ́скиро дывэ́с какана́ явдя́.

1 Ian 2:7

Дро́га мирэ́! Мэ чхина́ва на нэво́ припхэныбэ́н тумэ́нгэ, а пхурано́ припхэныбэ́н, саво́ исын тумэ́ндэ англыпна́стыр. Пхурано́ припхэныбэ́н исын лав, саво́ тумэ́ шундлэ́ англыпна́стыр.

3 Ian 1:11

Миро дро́го! На яв ту адасаво́, соб (кай) тэ кэрэ́с чорипэ́н, а яв адасаво́, соб (кай) тэ кэрэ́с лачхипэ́н. Кон кэрэ́ла лачхипэ́н, одова́ исын Дэвлэ́стыр, а кон кэрэ́ла чорипэ́н, одова́ на дыкхця́ Дэвлэ́с.