1 Ian 3:3 - Библия - Пэ Балтитко Романи чиб (Романэс) 2019

³ И кажно ману́ш, конэ́стэ исын наде́я пэ Лэ́стэ, выжужакирэ́ла (вычыстинэла) пэс, пал-дова́ со Христо́со исын жужо́.

Biblija - Pe Baltitko Romani čib (Romanes) 2019

³ I kažno manúš, konéste isyn nadiéia pe Léste, vyžužakiréla (vyčystinela) pes, pal-dová so Xristóso isyn žužó.

1 Ian 3:3 Referans Kwoze

2 Коринфянэнгэ 7:1

Палдава́, ко́ли амэ́нгэ сыс дынэ́ дасавэ́ лава́, мирэ́ дро́га, жужакираса пэс сарэ́стыр, со мэлякирэла амари́ лоч (плоть) и ду́хо (фа́но) и ява́са тэ джива́с сарэ́са свэнтонэс дро дар анги́л Дэвлэ́стэ.

1 Ian 2:6

Кон ракирэ́ла, со ёв дживэ́ла дро екхипэ́н Дэвлэ́са, кодолэ́скэ трэй адя́кэ-паць тэ дживэ́л сыр Христо́со дживдя́.

2 Petr 3:14

Палдава́, дро́га мирэ́, ко́ли ужакирэ́на тумэ́ саро́ дава́, причхувэ́н зор тэ явэ́н анги́л Лэ́стэ бибангякирэ и бидошэнгирэ и тэ явэ́н дро рама́нё;

Матфеё 5:48

Палдова́ явэ́н бидошакирэ, сыр бидошакиро исын тумаро́ Болыбна́скиро Дад.

Юдэ́нгэ 12:14

Причхувэ́н зор, соб (кай) тумэ́нгэ тэ явэ́н дро рама́нё (миро) сарэ́нца и дрэ свэнтыма, би савэскиро нико́н на дыкхэ́ла Рас-Дэвлэ́с.

Юдэ́нгэ 7:26

Пал-дова́ со адасаво́ Англатуно́ Раша́й и трэй амэ́нгэ: свэ́нто, лачхэ́-илы́тко, на магирдо́ грэхоса; Дэвэ́л чхудя́ Лэс дрэ риг грэхитконэ́ манушэ́ндыр и ґаздыя́ Лэс вучэ́с дро Болыбна́скиро Раё.

Колосянэнгэ 1:5

ваш наде́я, со ужакирэ́ла тумэн дро Болыбна́скиро Раё, пал со тумэ́ англэды́р шундлэ́ дрэ чачунэ́ лава́ бахталэ́ занятыр (звесятыр),

Apostolengiri Butý 15:9

и Ёв на кэрдя́ нисаво́ выкэдыибэн машки́р амэ́ндэ и лэ́ндэ, пал-дова́ со Ёв патяибна́са выжужакирдя́ лэ́нгирэ илэ.

Titoske 3:7

соб (кай) Дэвэ́л тэ приґалёл амэн чачунэнца пир Пэ́скиро бахталыпэ́н тэ ячас Лэ́скирэ чхавэ́нца дро ве́чно джиибэ́н, ваш саво́ амэ́ндэ исын наде́я.

2 Petr 1:4

савэ́нца Ёв дыя́ най барэды́р и дрогэдыр лав, соб (кай) пир дава́ тумэ́ тэ ячэн пашаса (пашэ́са) Дэвлытконэ́ духо́стыр и тэ джа́н криг Духо́скирэ хасибнастыр, саво́ джа́ла налачхэ́ мыслятыр дро свэ́то соб (кай) пир дава́ тумэ́ тэ дживэ́н сыр трэй Дэвлэ́скэ.

Luka 6:36

Палдава́ явэ́н тангипны́тка (жалиныбнытка), сыр тангипны́тко исын тумаро́ Дад.

1 Ian 4:17

Пир дава́ екхипэ́н Дэвлэ́са пшалы́тко паты́в ячэ́лапэ пхэрдо́ дрэ амэ́ндэ, соб (кай) амэ́ндэ тэ явэ́л муршыпэн дро дывэ́с, ке́ли явэ́ла сэ́ндо, пал-дова́ со амэ дживаса дро дава́ свэ́то адя́кэ, сыр Христо́со дживдя́.

Юдэ́нгэ 6:18

Дэвэ́л кэрдя́ адя́кэ пир дуй чачипэна́: Дэвэ́л на парувэла пхэндло́ лав и на хохавэла. Амэ́нгэ, савэ́ чхурдыямпэ кэ Ёв тэ ухтыласпэ пал наде́я, со сыс дыны́ амэ́нгэ, явэ́ла зорало́ подыно васт (помошш) тэ зракхаспэ.

2 Фесалоникийцэнгэ 2:16

Мэк Кокоро́ амаро́ Рай Дэвэ́л, Ису́со Христо́со, и Дэвэ́л амаро́ Дад, Савэ́скэ яця́м дро́га амэ и дыя́ пир бахталыпэ́н ве́чно подрикирибэ́н и лачхи́ наде́я,

Римлянэнгэ 15:12

И нэвэ́стыр Исаё ракирэ́ла: “Ёв явэ́ла Есеёскиро родо́стыр и Ёв явэ́ла тэ хулаинэ́л манушэ́нца: пэ Лэ́стэ На́юды явэ́на тэ розгинэн.”

2 Kralip 22:27

жужэса – жужэс, а хоханэса – пир хохаибэ́н лэ́скиро.

Joannostir 17:19

Мэ отдыём пэс Ту́кэ пал лэ́ндэ, соб (кай) и ёнэ тэ отдэ́н пэс Ту́кэ пир чачипэ́н.

Jakov 4:8

Явэ́н пашылэды́р кэ Дэвэ́л, и Ёв явэ́ла пашылэды́р кэ тумэ́. Выжужакирэн грэхи́тка, тумарэ́ васта́. Выжужакирэн тумаро́ джиибэ́н, тумэ́ сан дуемитка.

1 Petr 1:3

Мэк тэ явэ́л бахтякирдо́ Дэвэ́л Дад амарэ́ Ра́скирэ-Дэвлэ́скиро, Исусо́скирэ Христосо́скиро, Саво́ пир Пэ́скиро баро́ тангипэ́н дыя́ амэ́нгэ яви́р джиибэ́н, ке́ли отджидякирдя́ Исусо́с Христосо́с мулэ́ндыр, соб (кай) амэ́ндэ тэ явэ́л джиды наде́я,

1 Petr 1:15

нэ пал-дова́ со Ёв исын Свэ́нто, Саво́ кхардя́ тумэн, явэ́н кокорэ́ свэ́нта дро саро́, со тумэ́ кэрэ́на;