1 Ian 3:11 - Библия - Пэ Балтитко Романи чиб (Романэс) 2019

¹¹ Палдава́ дасави́ исын мавлы́н (малва), сави́ амэ шундя́м англыпна́стыр, соб (кай) амэ тэ дас паты́в екх екхэ́скэ,

Biblija - Pe Baltitko Romani čib (Romanes) 2019

¹¹ Paldavá dasaví isyn mavlýn (malva), saví ame šundiám anglypnástyr, sob (kaj) ame te das patýv jekh jekhéske,

1 Ian 3:11 Referans Kwoze

Joannostir 15:12

Ѓа́да, исын Миро припхэныбэ́н тумэ́нгэ: явэ́н дро́га екх екхэ́скэ, адя́кэ-паць сыр Мэ яцём дро́го тумэ́нгэ.

2 Ian 1:5

И какана́ Мэ древа́н манга́ва Тут, дро́го Ранори; ява́са тэ явас лачхэ́ екх кэ екх. Мэ чхина́ва дава́ на нэво́ припхэныбэ́н, а дава́ припхэныбэ́н сыс амэ́нгэ англыпна́стыр.

1 Ian 4:7

Дро́га мирэ́! Ява́са амэ тэ дас паты́в екх екхэ́скэ, пал-дова́ со пшалы́тко паты́в исын Дэвлэ́стыр и кажно (сва́ко), кон исын лачхо́ кэ яви́р, исын Дэвлэ́скиро чхаво́ и джинэ́ла Дэвлэ́с.

1 Ian 4:21

И дава́ исын дасаво припхэныбэ́н, саво́ амэ́ндэ исын Христосостыр, со одова́ ману́ш, конэ́скэ дро́го исын Дэвэ́л, исын банго́ (мусинэла) адя́кэ-паць тэ явэ́л лачхо́ кэ пэ́скиро пшал.

1 Petr 4:8

а буты́р сарэ́стыр сыкавэ́н паты́в екх екхэ́скэ сарэ́ илэ́стыр, пал-дова́ со паты́в зачхакирэла бут грэ́хи;

1 Petr 3:8

Явэ́н дрэ екх годы́ екх екхэ́са, подэн васта́ екх екхэ́скэ дро пхарипэ́н, тангинэ́н (жалинэн) екх екхэ́с, сыр пша́ла, малынэнпэ (дружынэн) и явэ́н ковлэ́-илы́тка,

Эфесянэнгэ 5:2

дживэ́н дрэ паты́в кэ яви́р мануша́, сыр и Христо́со сыкадя́ паты́в амэ́нгэ и отдыя́ Пэс пал амэ́ндэ, сыр гудло́ кхандыпэн и свэ́нто дыибэ́н, саво́ исын лачхо́ Дэвлэ́скэ.

1 Ian 1:5

И, ґа́да, пал со исын мавлы́н (малва), сави́ амэ шундя́м Чхавэстыр и пхэна́са тумэ́нгэ: Дэвэ́л исын дуд (свэ́то) и нанэ нисаво́ калыпэ́н дрэ Лэ́стэ.

1 Фесалоникийцэнгэ 4:9

Мэ гинава, со пал пшалэнгири паты́в на трэй тумэ́нгэ буты́р тэ чхинав, пал-дова́ со Дэвэ́л сыклякирдя́ тумэн кокорэн тэ сыкавэ́н паты́в екх екхэ́скэ.

1 Petr 1:22

Сыр тумэ́ лынэ́ тэ кандэ́н чачипэ́н, тэды тумэ́ выжужакирдэ пэ́скирэ дия́ ваш чачуны́ пшалы́тко паты́в, палдава́ сыкавэ́н паты́в екх екхэ́скэ сарэ́ илэ́стыр.

1 Ximaske 1:5

Дава́ припхэныбнаскиро чачипэ́н исын дро паты́в кэ яви́р мануша́ жужэ́ илэ́стыр и лачхэ́ патыватыр и чачунэ́ патяибнастыр,

Galatenge 6:2

Помогинэн екх екхэ́скэ тэ лыджа́н пхарипэ́н, и далэ́са тэды тумэ́ сполнинэна Христосо́скиро Зако́но.

Joannostir 13:4

Ису́со уштыя́ скаминдэстыр, злыя́ Пэ́стыр упратуно урибэ́н, лыя́ рушника (кхосно) и подпхандяпэ ла́са.

1 Ian 4:11

Дро́га мирэ́! Ко́ли Дэвлэ́скэ яця́м дро́га амэ, тэды амэ́нгэ адя́кэ-паць трэй тэ дас паты́в екх екхэ́скэ.