1 Ian 3:10 - Библия - Пэ Балтитко Романи чиб (Романэс) 2019

¹⁰ Ѓа́да, сыр Дэвлэ́скирэ чхавэ́ и налачхэскирэ чхавэ́ исын бицялэ: кажно (сва́ко), кон кэрэ́ла на пир чачипэ́н, одова́ нанэ Дэвлэ́стыр и адя́кэ-паць, сыр кодова́, кон на кэрэ́ла паты́в пэ́скирэ пшалэ́скэ.

Biblija - Pe Baltitko Romani čib (Romanes) 2019

¹⁰ Ĥáda, syr Devléskire čhavé i nalačheskire čhavé isyn biciale: kažno (sváko), kon keréla na pir čačipén, odová nane Devléstyr i adiáke-pac', syr kodová, kon na keréla patýv péskire pšaléske.

1 Ian 3:10 Referans Kwoze

1 Ian 4:8

Одова́, кон исын на́лачхо кэ яви́р ману́ш, на джинэ́ла Дэвлэ́с, пал-дова́ со Дэвэ́л исын пшалы́тко паты́в.

3 Ian 1:11

Миро дро́го! На яв ту адасаво́, соб (кай) тэ кэрэ́с чорипэ́н, а яв адасаво́, соб (кай) тэ кэрэ́с лачхипэ́н. Кон кэрэ́ла лачхипэ́н, одова́ исын Дэвлэ́стыр, а кон кэрэ́ла чорипэ́н, одова́ на дыкхця́ Дэвлэ́с.

1 Ian 4:21

И дава́ исын дасаво припхэныбэ́н, саво́ амэ́ндэ исын Христосостыр, со одова́ ману́ш, конэ́скэ дро́го исын Дэвэ́л, исын банго́ (мусинэла) адя́кэ-паць тэ явэ́л лачхо́ кэ пэ́скиро пшал.

Joannostir 8:44

Тумаро дад исын на́лачхо и тумэ́ камэ́на тэ кэрэ́н пир тумарэ́-дадэ́скири ла́ска. Нэ ёв саро́ джиибэ́н сыс манушэ́нгиро замарибнари, и ёв на дживдя́ дро чачипэ́н, пал-дова́ со нанэ чачипэ́н дрэ лэ́стэ; ке́ли ёв ракирэ́ла хохаибэ́н, ракирэ́ла пэ́скиро, пал-дова́ со ёв исын хохаибнари и хохаибнаскиро дад.

Матфеё 13:38

фэ́лда исын свэ́то; лачхи́ зя́рка-дава́ исын чхавэ́ Кралипнаскирэ, кай хулаинэла Дэвэ́л; дылыны чар-дава́ исын чхавэ́ налачхэскирэ,

Joannostir 8:47

Одова́, кон исын Дэвлэ́стыр, одова́ шунэ́ла Дэвлэ́скирэ лава́; тумэ́ палдава́ на шунэ́на, пал-дова́ со тумэ́ сан на Дэвлэ́стыр.”

Luka 6:35

Нэ тумэ́ сыкавэ́н паты́в тумарэ́ вэргэ́нгэ, кэрэ́н лэ́нгэ лачхипэ́н и явэ́ла тумэ́нгэ бари мазу́ри (награда) Дэвлэ́стыр, и тумэ́ явэ́на Най Вучэдырэскирэ Дэвлэ́скирэ чхавэ́; пал-дова́ со Ёв исын лачхо́ и ваш одолэ́нгэ, савэ́ на парикирэна и ваш налачхэнгэ.

1 Ian 4:6

Амэ сам Дэвлэ́скирэ: кон джинэ́ла Дэвлэ́с, одова́ шунэ́ла амэн; кон на Дэвлэ́скиро, одова́ на шунэ́ла амэн. Пир дава́ амэ уджинаса чачуно́ ду́хо (фа́но) и хохано́ ду́хо (фа́но).

Эфесянэнгэ 5:1

И палдава́ причхувэ́н зор тэ кэрэ́н, сыр Дэвэ́л кэрэ́ла, сыр чхавэ́, савэ́ исын Лэ́скэ древа́н дро́га,

1 Ian 5:2

Пир дава́ амэ уджинаса, со амэ́нгэ исын дро́га Дэвлэ́скирэ чхавэ́: ко́ли амэ рикираса сыр Дро́гима дро ило́ Дэвлэ́с и кэра́са пир Лэ́скирэ припхэныбэна́.

1 Ian 2:29

И ко́ли тумэ́ джинэ́на, со Христо́со исын чачуно́, джинэ́н и дова́, со кажно ману́ш, кон кэрэ́ла пир чачипэ́н, исын Дэвлэ́скиро чхаво́.

Apostolengiri Butý 13:10

и пхэндя́: “Ту, сан налачхэскиро чхаво́ и вэ́рго сарэ́ чачипнаскэ: ту сан пхэрдо́ хохаибнаса и калэ́ рэндэ́нца; ци пириячэса ту тэ злыджас манушэ́н чачунэ́ Ра́скирэ-Дэвлэ́скирэ дромэ́стыр?

1 Ian 5:19

Амэ джина́са, со амэ сам Дэвлэ́скирэ, и со саро́ свэ́то исын тэл налачхэскири зор.

2 Kralip 13:22

О Авеса́ломо на ракирдя́ Амноноса ни чорипэ́н, ни лачхипэ́н; пал-дова́ со Авесало́мо на могиндя́ тэ дыкхэ́л пэ Амноностэ пал дова́, со ёв обладжакирдя Фамарь, лэскирья пхэня́.

Joannostir 1:12

Нэ сарэ́нгэ, кон прилыя́ Лэс, савэ́ патяндынэ́ дрэ Лэ́скиро лав, Ёв дыя́ право тэ явэ́н Дэвлэ́скирэ чхавэ́нца.

Joannostir 11:52

И на пал екхэ адалэ́ манушэ́ндэ, нэ и ваш дова́, соб (кай) тэ скэдэ́н кхэтанэ́ сарэ́н Дэвлэскирэн чхавэ́н, савэ́ исын росчхурдынэ пир пхув.

Римлянэнгэ 13:8

На явэ́н дро вужлыпэ́н ни конэ́стэ апри́ч сыр вужлыпэ́н тэ сыкавэ́н паты́в екх екхэ́скэ: пал-дова́ со, кон сыкавэ́ла паты́в пэ́скирэ пашатунэ́ манушэ́скэ, одова́ сполнинэла Зако́но.

Колосянэнгэ 3:14

Кэ саро́ дава́ дочхувэн паты́в кэ яви́р мануша́, сави́ исын фунда́менто ваш чачуно́ сарэнгиро кхэтанякирибэн.

1 Ximaske 1:5

Дава́ припхэныбнаскиро чачипэ́н исын дро паты́в кэ яви́р мануша́ жужэ́ илэ́стыр и лачхэ́ патыватыр и чачунэ́ патяибнастыр,

1 Ian 3:1

Дыкхэ́н! Сави́ бари ра́дыма дыя́ амэ́нгэ Дад, соб (кай) тэ кхарэ́н амэн Дэвлэ́скирэ чхаворэнца. Палдава́ свэ́то на джинэ́ла тумэн, пал-дова́ со на приґалыя Лэс.

1 Ian 3:2

Дро́га мирэ́! Амэ сам какана́ Дэвлэ́скирэ чхавэ́, нэ ишчо (инкэ́) на сыкадыя́ амэ́нгэ, савэ́ амэ ява́са анги́л. Амэ екх джина́са, со ке́ли Христо́со сыкадёла, амэ ячасапэ кадасавэ́-паць, сыр Ёв исын, пал-дова́ со амэ ява́са тэ дыкхас, саво́ Ёв явэ́ла.