1 Ian 2:7 - Библия - Пэ Балтитко Романи чиб (Романэс) 2019

⁷ Дро́га мирэ́! Мэ чхина́ва на нэво́ припхэныбэ́н тумэ́нгэ, а пхурано́ припхэныбэ́н, саво́ исын тумэ́ндэ англыпна́стыр. Пхурано́ припхэныбэ́н исын лав, саво́ тумэ́ шундлэ́ англыпна́стыр.

Biblija - Pe Baltitko Romani čib (Romanes) 2019

⁷ Dróga miré! Me čhináva na nevó priphenybén tuménge, a phuranó priphenybén, savó isyn tuménde anglypnástyr. Phuranó priphenybén isyn lav, savó tumé šundlé anglypnástyr.

1 Ian 2:7 Referans Kwoze

Левито 19:18

На отдэ́ палэ чорипнаса (на отха палэ), и на рикир холы́ пэ тырэ́-манушэ́нгирэ чхавэ́ндэ, а сыка́в паты́в кэ тыро́ пашатуно, сыр пэ́скэ. Мэ сом Рай Дэвэ́л.

1 Ian 3:11

Палдава́ дасави́ исын мавлы́н (малва), сави́ амэ шундя́м англыпна́стыр, соб (кай) амэ тэ дас паты́в екх екхэ́скэ,

1 Ian 3:23

А припхэныбэ́н Лэ́скиро исын дасаво: соб (кай) амэ тэ патяс дро лав Лэ́скирэ-Чхавэ́скирэ, Исусо́скирэ Христосо́скиро, и соб (кай) тэ дас паты́в екх екхэ́скэ, сыр Ёв припхэндя́ амэ́нгэ.

Яви́р Зако́но 6:5

и сыка́в паты́в тырэ́ Ра́скэ-Дэвлэ́скэ, сарэ́ тырэ́ илэ́са, и сарэ́ тырэса деса, и сарэ́ зорьенца тырэнца.

Левито 19:34

о ману́ш, саво́ притрадыя явирэ рига́тыр, и яця́ тэ дживэ́л тумэ́ндэ; мэк тэ явэ́л ваш тумэ́нгэ дасаво-паць, сыр тумаро́ ману́ш исын; сыка́в паты́в лэ́скэ, сыр пэ́скэ; пал-дова́ со и тумэ́ са́нас мануша́, савэ́ явнэ́ явирэ рига́тыр пэ Египто́скири пхув. Мэ сом Рай Дэвэ́л, тумаро́ Дэвэ́л.

1 Ian 2:24

Тэды тумэ́, со тумэ́ шундлэ́ англыпна́стыр, мэк дова́ тэ явэ́л дрэ тумэ́ндэ; ко́ли явэ́ла дрэ тумэ́ндэ, дова́, со тумэ́ шундлэ́ англыпна́стыр, тэды тумэ́ явэ́на дро екхипэ́н Чхавэ́са и Дадэ́са.

Матфеё 5:43

Тумэ́ шундлэ́, со сыс пхэндло́: ‘Сыка́в паты́в пэ́скирэ пашатунэ́ манушэ́скэ и на сыка́в паты́в пэ́скирэ вэргэ́нгэ (врогэ́нгэ).’

Apostolengiri Butý 17:19

И ёнэ яндлэ́ Павли́с дро Ареопаго и пхэндлэ́: “Ци сашты́ (можна) тэ джинас амэ́нгэ, саво́ дава́ исын дасаво нэво́ сыклякирибэ́н, со ту роспхэнэса?

Joannostir 13:34

Мэ да́ва тумэ́нгэ нэво́ припхэныбэ́н: явэ́н дро́га екх ваш екхэ́скэ; сыр Ма́нгэ, адя́кэ-паць и тумэ́ явэ́н дро́га екх ваш екхэ́скэ.

Юдэ́нгэ 6:9

Дро́га амарэ́, на дыкхи́ пэ дава́, со амэ ракираса адя́кэ, амэ патя́са дрэ тумэ́ндэ, со тумэ́ сан фэды́р и пашылэды́р кэ дова́, соб (кай) Дэвэ́л тэ зракхэ́л тумэн.

1 Ian 3:2

Дро́га мирэ́! Амэ сам какана́ Дэвлэ́скирэ чхавэ́, нэ ишчо (инкэ́) на сыкадыя́ амэ́нгэ, савэ́ амэ ява́са анги́л. Амэ екх джина́са, со ке́ли Христо́со сыкадёла, амэ ячасапэ кадасавэ́-паць, сыр Ёв исын, пал-дова́ со амэ ява́са тэ дыкхас, саво́ Ёв явэ́ла.

1 Ian 3:21

Дро́га мирэ́! Ко́ли амаро́ ило́ на ракирэ́ла маму́й проти амэ́ндэ, тэды амэ́ндэ исын муршыпэн тэ рисёвас кэ Дэвэ́л.

1 Ian 4:1

Дро́га мирэ́! На патя́н кажнонэ́ духоскэ, а спробинэн (пропатякирэн) ду́хи, ци Дэвлэ́стыр исын ёнэ, пал-дова́ со бут хоханэ́ проро́ки явэ́на дро свэ́то.

1 Ian 4:7

Дро́га мирэ́! Ява́са амэ тэ дас паты́в екх екхэ́скэ, пал-дова́ со пшалы́тко паты́в исын Дэвлэ́стыр и кажно (сва́ко), кон исын лачхо́ кэ яви́р, исын Дэвлэ́скиро чхаво́ и джинэ́ла Дэвлэ́с.

1 Ian 4:11

Дро́га мирэ́! Ко́ли Дэвлэ́скэ яця́м дро́га амэ, тэды амэ́нгэ адя́кэ-паць трэй тэ дас паты́в екх екхэ́скэ.

1 Ian 4:21

И дава́ исын дасаво припхэныбэ́н, саво́ амэ́ндэ исын Христосостыр, со одова́ ману́ш, конэ́скэ дро́го исын Дэвэ́л, исын банго́ (мусинэла) адя́кэ-паць тэ явэ́л лачхо́ кэ пэ́скиро пшал.