1 Ian 2:6 - Библия - Пэ Балтитко Романи чиб (Романэс) 2019

⁶ Кон ракирэ́ла, со ёв дживэ́ла дро екхипэ́н Дэвлэ́са, кодолэ́скэ трэй адя́кэ-паць тэ дживэ́л сыр Христо́со дживдя́.

Biblija - Pe Baltitko Romani čib (Romanes) 2019

⁶ Kon rakiréla, so jov dživéla dro jekhipén Devlésa, kodoléske trej adiáke-pac' te dživél syr Xristóso dživdiá.

1 Ian 2:6 Referans Kwoze

1 Petr 2:21

Пал-дова́ со тумэ́ са́нас кхардэ́ ваш дава́, пал-дова́ со и Христо́со адя́кэ-паць страдындя пал тумэ́ндэ, Ёв ячкирдя́ сыкаибэ́н (приме́ро) амэ́нгэ, сыр трэй тэ кэра́с, соб (кай) амэ тэ джас пир Лэ́скири шпэ́ра (слядо):

Joannostir 13:15

Мэ дыём тумэ́нгэ приме́ро (сыкаибэ́н), соб (кай) и тумэ́ тэ кэрэ́н адя́кэ-паць, со Мэ кэрдём тумэ́нгэ.

1 Коринфянэнгэ 11:1

Кэрэ́н адя́кэ-паць, сыр и мэ, пал-дова́ со мэ кэра́ва адя́кэ-паць, сыр Христо́со.

1 Ian 3:6

Кажно ману́ш, кон дживэ́ла дро екхипэ́н Исусо́са, на кэрэ́ла грэ́хи, а кажно, кон кэрэ́ла грэ́хи, кодова́ ману́ш на дыкхця́ Лэс и на приґалыя Лэс.

Эфесянэнгэ 5:2

дживэ́н дрэ паты́в кэ яви́р мануша́, сыр и Христо́со сыкадя́ паты́в амэ́нгэ и отдыя́ Пэс пал амэ́ндэ, сыр гудло́ кхандыпэн и свэ́нто дыибэ́н, саво́ исын лачхо́ Дэвлэ́скэ.

Матфеё 11:29

Лэн пэ пэ́стэ пхарипэ́н Мирэ́ джиибна́скиро и сыклён Ма́ндыр, пал-дова́ со Мэ сом ковлэ́-илытко и кандуно, и тумэ́ латхэ́на откхиныбэн ваш тумаро́ ило́;

1 Ian 2:4

Кон ракирэ́ла: “Мэ уджиндём Лэс” и на ракхэ́ла Лэ́скирэ припхэныбэна́, одова́ ману́ш исын хохаибнари, и нанэ нисаво́ чачипэ́н дрэ лэ́стэ;

1 Ian 2:28

Ѓа́да, бияты, ячэ́нпэ дро екхипэ́н Христосо́са, соб (кай) Ёв, ке́ли сыкадёла, тэ явэ́л амэ́ндэ зорало́ патяибэ́н и тэ на явэ́л ладжаво анги́л Лэ́стэ, ке́ли Ёв явэ́ла.

Psalmy 85:13

Чачо́, Рай Дэвэ́л дэ́ла лачхипэ́н амэ́нгэ и амари́ пхув отдэ́ла пэ́скиро аплодо.

Joannostir 15:10

Ко́ли тумэ́ явэ́на тэ ракхэ́н Мирэ́ припхэныбэна́, то тумэ́ явэ́на тэ ячэ́нпэ дро Мири́ ла́ска, адя́кэ-паць, сыр и Мэ ракхцём Мирэ́-Дадэ́скирэ припхэныбэна́, и Мэ джива́ва дро Лэ́скири ла́ска.

1 Ian 3:24

И кон ракхэ́ла Лэ́скирэ припхэныбэна́, одова́ дживэ́ла дро екхипэ́н Лэ́са, и Дэвэ́л исын дро екхипэ́н Лэ́са. И дова́, со Дэвэ́л дживэ́ла дро екхипэ́н Лэ́са, амэ уджинаса пир Ду́хо (Фа́но), Саво́ Ёв дыя́ амэ́нгэ.

1 Ian 4:17

Пир дава́ екхипэ́н Дэвлэ́са пшалы́тко паты́в ячэ́лапэ пхэрдо́ дрэ амэ́ндэ, соб (кай) амэ́ндэ тэ явэ́л муршыпэн дро дывэ́с, ке́ли явэ́ла сэ́ндо, пал-дова́ со амэ дживаса дро дава́ свэ́то адя́кэ, сыр Христо́со дживдя́.