1 Ian 2:5 - Библия - Пэ Балтитко Романи чиб (Романэс) 2019

⁵ а кон ракхэ́ла Лэ́скиро лав, кодолэстэ исын бидошакиры паты́в кэ Дэвэ́л. Адя́кэ амэ уджинаса, со амэ сам дро кхэтаныпэн Дэвлэ́са.

Biblija - Pe Baltitko Romani čib (Romanes) 2019

⁵ a kon rakhéla Léskiro lav, kodoleste isyn bidošakiry patýv ke Devél. Adiáke ame udžinasa, so ame sam dro khetanypen Devlésa.

1 Ian 2:5 Referans Kwoze

Joannostir 14:23

Ису́со отпхэндя́ лэ́скэ: “Ко́ли вари-конэ́скэ сом дро́го Мэ, одова́ ману́ш зракхэ́ла Миро лав; и тэды Мирэ́ Дадэ́скэ явэ́ла дро́го ёв, и амэ ява́са кэ ёв и амэ ява́са тэ джива́с кэ ёв.

Joannostir 14:21

Одова́, конэ́стэ исын Мирэ́ припхэныбэна́, и кон ракхэ́ла лэн, одова́ рикирэ́ла Ман сыр Дро́гима дро ило́, и Дад Миро сыкавэ́ла паты́в лэ́скэ, и Мэ адя́кэ-паць ява́ва тэ сыкавав паты́в лэ́скэ, и Мэ сыкадёвава Кокоро́ Пэс лэ́скэ.”

Luka 11:28

А Ису́со отпхэндя́: “Чачо́, бахталэ́ исын кодолэ́, савэ́ шунэ́на Дэвлэ́скиро лав и кандэ́на лэс.”

1 Ian 3:24

И кон ракхэ́ла Лэ́скирэ припхэныбэна́, одова́ дживэ́ла дро екхипэ́н Лэ́са, и Дэвэ́л исын дро екхипэ́н Лэ́са. И дова́, со Дэвэ́л дживэ́ла дро екхипэ́н Лэ́са, амэ уджинаса пир Ду́хо (Фа́но), Саво́ Ёв дыя́ амэ́нгэ.

Psalmy 119:2

Бахталэ́ исын одолэ́, савэ́ рикирэнапэ кэ Лэ́скирэ допхэныбэна, савэ́ родэ́на Лэс сарэ́ илэ́стыр.

Sykadyipén 14:12

Ѓа́да, трэй вырикирибэн свэнтонэнгэ, савэ́ приракхэна Дэвлэ́скирэ припхэныбэна́ и патяибэ́н дрэ Исусо́стэ.

1 Ian 5:2

Пир дава́ амэ уджинаса, со амэ́нгэ исын дро́га Дэвлэ́скирэ чхавэ́: ко́ли амэ рикираса сыр Дро́гима дро ило́ Дэвлэ́с и кэра́са пир Лэ́скирэ припхэныбэна́.

Joannostir 15:5

Мэ сом Кашт, нэ тумэ́ сан Мирэ́ рандя́ (вэ́тки): одова́, кон исын на́ дрэ Ма́ндэ, сыр и Мэ сом дрэ лэ́стэ, одова́ дэ́ла бут барьякирдэ́; пал-дова́ со би Миро тумэ́ на могинэ́на нисо́ тэ кэрэ́н.

Езэкилё 36:27

И Мэ чхува́ва дро тумэ́ндэ Миро ду́хо (фа́но), Мэ кэдава дова́, со тумэ́ явэ́на тэ псирэ́н пир Мирэ́ припхэныбэна́; тумэ́ явэ́на тэ кэрэ́н пир Мирэ́ лава́.

1 Ian 4:18

Ко́ли амэ сам лачхэ́ кэ яви́р мануша́ и амэ на дара́са ни конэ́стыр, пал-дова́ со пхэрды́ паты́в вытрадэла дар, а кон дарэ́ла, кодова́ сы́рбы ужакирэ́ла ка́ра. А кодова́, кон дарэ́ла, дрэ лэ́стэ нанэ пхэрды́ паты́в.

Psalmy 119:146

Мэ кхара́ва Тут: зра́кх ман и мэ ява́ва тэ рикиравпэ кэ Тырэ́ припхэныбэна́.

2 Коринфянэнгэ 5:17

Палдава́, кон исын дро екхипэ́н Христосо́са, кодова́ ячэ́лапэ сы́рбы нэво́ ману́ш: пхурано́ ду́хо (фа́но) лэ́стыр гия́, нэво́ загия́:

Sykadyipén 12:17

А драконо зоралэ́с холя́сыя пэ джувля́тэ и гия́ пэ марибэ́н явирэ ла́кирэ биятэнца, савэ́ ячнэ́пэ ла́кирэ родо́стыр, кон приракхэлас Дэвлэ́скирэ припхэныбэна́ и рикирэлас Христосо́скирэ лава́.

1 Ian 5:20

Амэ джина́са, со Дэвлэ́скиро Чхаво́ явдя́ и дыя́ амэ́нгэ годы́, соб (кай) амэ тэ уджинас, кон исын чачуно́ Дэвэ́л, и соб (кай) амэ́нгэ тэ явас дро екхипэ́н чачунэ́ Дэвлэ́са, Лэ́скирэ Чхавэ́са, Исусо́са Христосо́са. Дава́ исын чачуно́ Дэвэ́л и ве́чно джиибэ́н.

1 Коринфянэнгэ 1:30

Нэ адава́ Дэвэ́л чхудя́ тумэн дро кхэтаныпэн Исусо́са Христосо́са амарэса и Ёв кэрдя́ Христосо́с сыр амаро́ годыпэ́н, чачипэ́н; пал Лэ́стэ амэ яця́м Дэвлэ́скирэ свэнтонэ́ и вольнонэ манушэ́нца,

Римлянэнгэ 8:1

Тэды, нанэ какана́ нисаво́ обракирибэн ваш одолэ́нгэ, савэ́ дживэ́на дрэ Исусо́стэ Христосо́стэ на пир лоч (плоть), а пир Ду́хо (Фа́но).

Jakov 2:22

Ци дыкхэ́са ту, со патяибэ́н исын кхэтанэ́ лэ́скирэ рэндэ́нца и пир рэ́нды лэ́скиро патяибэ́н яця́ бидошакиро.

2 Коринфянэнгэ 5:21

Пэ Христосо́стэ, Савэ́стэ на сыс грэ́хо, Дэвэ́л чхудя́ сарэ́ амарэ́ грэ́хи сыр свэ́нто отдыибэ́н, соб (кай) амэ тэ ячаспэ чачунэнца анги́л Дэвлэ́стэ пир Христосо́стэ.

Joannostir 6:56

кон ха́ла Мири́ Лоч и пьела Миро Рат, одова́ дживэ́ла дрэ Ма́ндэ, и Мэ ячавапэ дрэ лэ́стэ.

Ekliesiastos 8:5

Кон рикирэ́лапэ кэ лэ́скиро припхэныбэ́н, кодолэ́скэ на явэ́ла биба́хт и годэ́-манушэ́скиро ило́ розґалёла часо (цы́ро) и дром, сыр трэй тэ кэрэ́л?

Psalmy 106:3

Бахталэ́ исын одолэ́, савэ́ кандэ́на Лэ́скирэ припхэныбэна́ и савэ́ кэрэ́на пир чачипэ́н кажно мо́ло.

Pritčy 8:32

И акана́, чхавэ́, шунэ́н ман, пал-дова́ со бахталэ́ исын одолэ́, савэ́ джа́на пир мирэ́ дрома́:

Psalmy 119:4

Раё Дэ́вла! Ту припхэндян ракхипныткэс тэ ракхэ́н Тырэ́ упхэныбэна́,

Pritčy 28:7

Кон рикирэ́лапэ кэ Зако́но, кодова́ исын годьваро́ чхаво́, нэ кон исын чхучэ́-шэрэскиро ману́ш, одова́ ладжакирэла пэ́скирэ дадэ́с.

Psalmy 105:45

соб (кай) ёнэ могинэ́нас тэ рикирэнпэ зоралэ́с кэ Лэ́скирэ стату́ты (уставы), и тэ рикирэнпэ кэ Лэ́скирэ зако́ны. Аллилуя Ра́скэ-Дэвлэ́скэ.

1 Ian 4:17

Пир дава́ екхипэ́н Дэвлэ́са пшалы́тко паты́в ячэ́лапэ пхэрдо́ дрэ амэ́ндэ, соб (кай) амэ́ндэ тэ явэ́л муршыпэн дро дывэ́с, ке́ли явэ́ла сэ́ндо, пал-дова́ со амэ дживаса дро дава́ свэ́то адя́кэ, сыр Христо́со дживдя́.

2 Ian 1:6

Дая́ пшалы́тко паты́в значинэла дова́, соб (кай) амэ тэ джива́с адя́кэ, сыр Дэвэ́л припхэндя́ амэ́нгэ. Дава́ исын дова́-паць припхэныбэ́н, саво́ тумэ́ шундлэ́ англыпна́стыр, соб (кай) амэ тэ джива́с пир дава́ припхэныбэ́н.