1 Ian 1:9 - Библия - Пэ Балтитко Романи чиб (Романэс) 2019

⁹ Ко́ли амэ приґалёваса амарэ́ грэ́хи анги́л Дэвлэ́стэ, тэды Ёв выжужакирэ́ла амаро́ начачипэ́н, пал-дова́ со Ёв исын патяибны́тко, и чачуно́.

Biblija - Pe Baltitko Romani čib (Romanes) 2019

⁹ Kóli ame priĥaljovasa amaré gréhi angíl Devléste, tedy Jov vyžužakiréla amaró načačipén, pal-dová so Jov isyn patiaibnýtko, i čačunó.

1 Ian 1:9 Referans Kwoze

Psalmy 32:5

Мэ приґалыём пэ́скиро грэ́хо анги́л Ту́тэ, и Мэ на гарадём пэ́скиро чорипэ́н Ту́тыр. Мэ пхэндём: “Мэ ява́ва тэ приґалёвавпэ анги́л Растэ-Дэвлэ́стэ; ке́ли мэ пхагирава Лэ́скиро Зако́но”, и Ту отмэкэса мирэ́-грэхоскиро чорипэ́н. Сэ́ла.

Pritčy 28:13

Кон гаравэла пэ́скирэ грэ́хи, одолэ́скэ на явэ́ла мишто́, нэ кон приджинэла грэ́хи и мэкэ́ла тэ кэрэ́л лэн, кодолэ́с Дэвэ́л тангинэла.

Ереме́ё 33:8

И Мэ выжужакирава лэн сарэ́ лэ́нгирэ чорипна́стыр, савэ́са ёнэ кэрдэ́ грэ́хи проти Ма́ндэ, и Мэ отмэка́ва саро́ чорипэ́н лэ́нгиро, савэ́са ёнэ кэрдэ́ грэ́хи проти Ма́ндэ, и савэ́нца ёнэ пхагирдэ́ [парудэ-р.с.] Миро Зако́но.

1 Ian 1:7

А ко́ли амэ псираса дро Дэвлэ́скиро дуд, адя́кэ-паць сыр Христо́со исын дуд, тэды амэ́ндэ исын кхэтаныпэн екх екхэ́са, и Исусо́скиро Христосо́скиро рат, Лэ́скирэ чхавэ́скиро, жужакирэла (чыстинэла) амэн кажнонэ́ грэхэ́ндыр.

Езэкилё 36:25

И Мэ брызгинава тумэн жужэ́ пане́са, тумэ́ жужакирэнапэ сарэ́ тумарэ́ магирипнастыр, Мэ жужакирава тумэн сарэ́ тумарэ́ идолэндыр.

Юдэ́нгэ 10:23

Ява́са тэ рикираспэ зоралэ́с пал наде́я, сави́ амэ приджиндям би кунипна́скиро, пал-дова́ со Дэвэ́л, Кон дыя́ лав, исын патяибны́тко;

1 Ximaske 1:15

Кадава́ лав исын патяибны́тко, со Ису́со Христо́со явдя́ дро свэ́то тэ зракхэ́л грехитконэ́н, савэ́ндыр мэ сом най фуеды́р.

Ниеми́я 1:6

Тэ явэ́н Тырэ́ кана́ и якха́ Тырэ́ откэрдэ, соб (кай) тэ шунэ́с па́тери (моли́тва) Тырэ́ писхарискири, савья́са мэ мангавпэ анги́л Ту́тэ акана́ рат и дывэ́с пал Израилёскирэ чхавэ́ндэ, Тырэ́ писхарьендэ, и приґалёвавпэ мэ дрэ грэ́хи Израилёскирэ чхавэ́нгирэ, савэ́нца кэрдя́м амэ грэ́хо анги́л Ту́тэ, грешындям – и мэ и мирэ́-дадэ́скиро кхэр.

Езэкилё 37:23

На явэ́на тэ магирэ́н пэс идолэнца и пэ́скирэ джунгалэ́ рэндэ́нца и пэ́скирэ чорипнаса, нэ Мэ зракха́ва лэн сарэ́ штэтэ́ндыр, кай ёнэ дживэ́нас дрэ грэ́хи, жужакирава лэн, и ёнэ явэ́на Мирэ́ мануша́, а Мэ ява́ва лэ́нгиро Дэвэ́л.

1 Коринфянэнгэ 1:9

Дэвлэ́скэ, Саво́ прикхардя тумэн дро кхэтаныбэн Лэ́скирэ Чхавэ́са, Исусо́са Христосо́са, Амарэ́ Ра́са, трэй тэ патя́н сарэ́са.

Яви́р Зако́но 7:9

И адя́кэ джин, со Рай Дэвэ́л, Дэвэ́л тыро́, исын Рай Дэвэ́л чачуно́, Саво́ ракхэ́ла Пэ́скиро завето (доракирибэ́н) и тангипэ́н кэ одолэ́ мануша́, савэ́нгэ исын дро́го Ёв, кон ракхэ́ла Лэ́скирэ припхэныбэна́ кэ тысёнцы ро́ды,

Apostolengiri Butý 19:18

И бут мануша́, савэ́ упатя́ндынэ, явэ́нас, и приґалёнаспэ анги́л сарэ́ндэ дрэ пэ́скирэ рэ́нды.

Marko 1:5

И джа́нас кэ ёв бут мануша́ Юдэя́кирэ пхувья́тыр и Ерусалимо́стыр, ёнэ приґалёнас пэ́скирэ грэ́хи, и ёв болдя лэн дрэ рэка (лэнь) Иорда́но.

Titoske 2:14

Саво́ отдыя́ Пэс пал амэ́ндэ, соб (кай) Ёв тэ зракхэ́л амэн сарэ́ начачунэ рэндэ́ндыр, тэ кэрэ́л амэн жужэ́ манушэ́нца, соб (кай) амэ тэ явас екх Лэ́скирэ манушэ́нца, савэ́ древа́н тырдэнапэ тэ кэрэ́н лачхипэ́н.

Psalmy 19:12

Упхэныбэна́ адя́кэ-паць подсыклякирдэ ман, Тырэ́ дынари́с, мэ дорэсцём бут лачхипэ́н, ке́ли мэ приракхцём лэн.

1 Коринфянэнгэ 6:11

Вари-савэ́ тумэ́ндыр са́нас адасавэ́. Нэ тумэ́ сан обмордэ, освэнцындлэ, нэ тумэ́ сан приджиндлэ сыр чачунэ́ амарэ́ Ра́скирэ-Дэвлэ́скирэ лавэ́са, Исусо́скирэ Христососкирэса и амарэ́ Дэвлэ́скирэ Духо́са.

Roiben 3:23

ёнэ сыкадёна нэвэ́с кажно зло́ко (ра́нко): саво́ баро́ исын Тыро́ патяибэ́н!

Юдэ́нгэ 6:10

Пал-дова́ со Дэвэ́л нанэ напатяибнаскиро и Ёв на бистрэла тумари́ буты́ и паты́в кэ яви́р мануша́, савэ́ тумэ́ кэрдэ́ ваш Лэ́скиро лав, ке́ли тумэ́ помогинэнас (дэ́нас васта́) и какана́ помогинэна дэвлытконэнгэ.

3 Kralip 8:47

И ке́ли ёнэ явэ́на пэ пхув, пэ сави́ явэ́на дро пле́но, явэ́на дрэ пэ́стэ и рисёна, и явэ́на тэ мангэ́нпэ Ту́кэ пэ пхув адалэ́-манушэ́нгири, савэ́ лынэ́ лэн дро пле́но, ракири́: “Амэ кэрдя́м грэ́хо, ци кэрдя́м фуипэ́н, амэ сам бангэ́’,

Sykadyipén 15:3

И ёнэ баганас Мойзаскири гилы́, Дэвлэ́скирэ писхарискири, и Свэнтонэ́ Бакрорэскири гилы́, пхэни́: “Савэ барэ́ и ди́вна тырэ́ бутя́, Раё Дэ́вла, Сарэзорья́киро! Тырэ́ дрома́ исын чачунэ́ и чачипнаскирэ, Кра́ли манушэ́нгиро!

Юдэ́нгэ 11:11

Патяибна́са Саара, савьятэ на сыс чхаворэ́, сави́ адя́кэ-паць дорэсця́ састыпэн, соб (кай) тэ явэ́н чхаворэ́ ла́тэ, бияндя́ тэл пхурипэн, пал дова́ со ёй допатяндыя Одолэ́скэ, Кон дыя́ лав.

Матфеё 3:6

и ёв болдя лэн дро Иорда́но, пало́ дова́, сыр ёнэ приґалёнас пэ́скирэ грэ́хи.

Isajos 45:21

Дэн тэ джинэ́н манушэ́нгэ и пхэнэ́н: “Кон пхэндя́ дава́ дро ґаратуно часо, кон ангилпхэндя дава́? Ци на Мэ, Рай Дэвэ́л, и нанэ явирэ Дэвлэ́с апри́ч Ма́ндэ, а исын екх Дэвэ́л – Мэ сом Дэвэ́л чачуно́, Саво́ зракхэ́ла и нанэ никонэ́с явирэ́с апри́ч Ма́ндэ.

Эфесянэнгэ 5:26

соб (кай) тэ кэрэ́л Кхангири́ свэнтонаса, тэ выжужакирэл ла пане́са и Дэвлэ́скирэ лавэ́са,

Римлянэнгэ 3:26

пэ́скирэ ґаратунэ́ (длугонэ) вырикирибнаса саро́ дава́ часо, соб (кай) Ёв какана́ тэ сыкавэ́л пэ́скиро чачипэ́н, и со Ёв кокоро́ исын чачуно́, и приджинэла чачунэнца сарэ́н, кон патя́ла дрэ Исусо́стэ.

Заха́рия 9:9

Ра́дынпэ зоралэ́с бахтятыр, Сионо́скири чхай, дэ го́дла радыма́тыр, Ерусалимо́скири чхай: акэ, кра́ли тыро́ явэ́ла кэ ту, чачипна́скиро и зракхибнаскиро, ковлэ́-илытко, уклисто пэ ослицатэ и пэ тэрнэ́ ослостэ, савэскири дай псирдя́ тэло ґа́мо.

Vygiiben 34:7

Саво́ ракхэ́ла ла́ска ваш тысёнцы манушэ́нгэ, Саво́ отмэкэ́ла банг и чорипэ́н, и грэ́хо, Саво́ на ячкирэ́ла би отпхэныбнаскиро, Саво́ чхувэ́ла ка́ра пал дадэнгири банг дрэ чхавэ́ндэ и чхавэ́нгирэ чхавэ́ндэ кэ три́то и шта́рто ро́до.”

3 Kralip 8:30

Шун мангипэ́н Тырэ́ писхарискиро и Тырэ́ Израилёскирэ манушэ́нгиро, ке́ли ёнэ явэ́на тэ мангэ́нпэ кэ дава́ штэ́то; шун пэ штэ́то Тырэ́ джиибна́скиро, пэ болыбэ́н, шун и приманг (простин).

Ереме́ё 3:13

Фэ́ни (екх) приґалёв пэ́скири банг, со ту пхагирдян Ра́скирэ-Дэвлэ́скиро, Дэвлэ́скиро Зако́но, и ту чхурдэсапэ екхэ рига́тыр пэ яви́р анги́л чужонэ́ дэвлорэндэ, тэл кажно зэлэно дрэ́во, и со ту на шундя́н Мири́ зан’, – пхэндя́ Рай Дэвэ́л.

Joannostir 17:25

Чачуно́ Миро Да́до! И свэ́то на уджиндя́ Тут: а Мэ уджиндём Тут, и ёнэ уджиндлэ́, со Ту бичхадян Ман;

Luka 22:57

Нэ Пэ́три отпхэндяпэ Лэ́стыр, пхэни́: “Джувлие, мэ на джино́м Лэс.”