1 Ian 1:8 - Библия - Пэ Балтитко Романи чиб (Романэс) 2019

⁸ Ко́ли амэ ракираса, со амэ́ндэ нанэ грэ́хо, тэды амэ хохаваса кокорэ́ пэс, и нанэ амэ́ндэ чачипэ́н.

Biblija - Pe Baltitko Romani čib (Romanes) 2019

⁸ Kóli ame rakirasa, so aménde nane grého, tedy ame xohavasa kokoré pes, i nane aménde čačipén.

1 Ian 1:8 Referans Kwoze

Римлянэнгэ 3:23

Пал-дова́ со сарэ́ мануша́ кэрдэ́ грэ́хо и ёнэ дуринэ Дэвлэ́скирэ славатыр.

Jakov 3:2

Пал-дова́ со амэ сарэ́ частэс обштавасапэ пир грэ́хо. Ко́ли вари-кон на кэрэ́ла грэ́хо лавэ́са, одова́ ману́ш исын бидошакиро, саво́ могинэ́ла тэ пхандэл сы́рбы цугленца сарэ́ пэ́скирэ маса́.

Ekliesiastos 7:20

Адя́кэ-паць и на прилэ́ илэ́са сарэ́ лава́, со мануша́ пхэнэ́на, соб (кай) ту тэ на шунэ́с тырэ́ дынари́с тэ кошэл тут.

Isajos 53:6

Сарэ́ амэ, сыр бакря́ псирасас, гиям кажно пэ́скирэ дромэ́са, и Рай Дэвэ́л чхудя́ пэ Лэ́стэ грэ́хи, савэ́ сарэ́ амэ кэрдя́м.

1 Ian 2:4

Кон ракирэ́ла: “Мэ уджиндём Лэс” и на ракхэ́ла Лэ́скирэ припхэныбэна́, одова́ ману́ш исын хохаибнари, и нанэ нисаво́ чачипэ́н дрэ лэ́стэ;

1 Ian 1:10

Ко́ли амэ ракираса, со амэ на кэрдя́м грэ́хи, тэды амэ кэра́са Лэ́стыр Хохаибнарис, и нанэ Лэ́скиро лав амэ́ндэ.

Pritčy 20:9

Кон сашты́ (могинэ́ла) тэ пхэнэ́л: “Мэ кэрдём жужо́ ило́, мэ сом бигрэхэнгиро?”

Ióvo 15:14

Саво́ ж трэй тэ явэ́л ману́ш, соб (кай) ёв тэ явэ́л бидошэ́нгиро? Ци на кодова́, савэ́с джувлы́ бияндя́, соб (кай) ёв сашты́ тэ явэ́л чачипна́скиро?

Galatenge 6:3

А ко́ли вари-саво́ ману́ш гинэ́ла пэс вари-конэса, ке́ли ёв кокоро́ ничы́ на мол пэ́стыр, тэды ёв хохавэла пэс;

Isajos 64:6

Сарэ́ амэ кэрдямпэ-сыр нажужо предмето, амари́ паты́в – сыр замакхны и́дя, амэ шутиям сыр патри́н (листо); амарэ́ налачхэ́ рэ́нды лыджинэ́ амэн, сыр балва́л.

Psalmy 143:2

И на тэрдёв тэ сэндякирэс Тырэ́ писхари́с (рабо́с); пал-дова́ со ние́кх нанэ бидошэ́нгиро анги́л Тыри́ годы́.

Jakov 1:26

Ко́ли вари-кон тумэ́ндыр гинэ́ла пэс, со ёв исын зорья́са патяибнаскиро, а на пхандэла пэ́скири чиб, ёв хохавэла кокоро́ пэс, и кадасавэскирэ-манушэскири строгима на трэй ни конэ́скэ.

1 Ximaske 6:5

и чхучэ́ ракирибэна машки́р манушэ́ндэ, савэ́ндэ нанэ бари годы́, и, савэ́ дарнапэ чачипнастыр, ёнэ думинэ́на, со дар анги́л Дэвлэ́стэ-дава́ исын дром тэ барвалён.

Ióvo 25:4

Сыр ману́ш могинэ́ла тэ явэ́л чачуно́ анги́л Дэвлэ́стэ? Ци сыр могинэ́ла вари-кон тэ явэ́л жужо́, кон бия́ндыя джувлятыр?

3 Kralip 8:46

Ке́ли ёнэ кэрэ́на грэ́хо анги́л Ту́тэ: (пал-дова́ со нанэ манушэ́с, саво́ на кэрдя́ бы грэ́хо), – и Ту холясоса пэ лэ́ндэ, и отдэса лэн вэргэ́нгэ, и мануша́ залэна лэн дро пле́но и залыджана лэн пэ вэргоскири пхув, дур ци пашы́л.

1 Коринфянэнгэ 3:18

Мэк ние́кх тэ на хохавэ́л кокоро́ пэс; ко́ли вари-кон думинэ́ла пэ́скэ, со ёв исын годьваро́ машки́р тумэ́ндэ пир дава́ свэтоскиро годьварипэн, тэды мэк адава́ ману́ш тэ ячэ́л дылынэса, соб (кай) ёв могинэлас тэ явэ́л годьварэса.

Ióvo 14:4

Ци сашты́ тэ бияндёл бидошэ́нгиро ману́ш манушэ́стэ дошэнца? Ние́кх!

2 Паралипоменоно 6:36

Ке́ли ёнэ кэрэ́на грэ́хо анги́л Ту́тэ, – пал-дова́ со нанэ манушэ́с, саво́ на кэрдя́ грэ́хо, – и Ту росхолясоса пэ лэ́ндэ, и отдэса лэн вэргоскэ, и отлыджана лэн мануша́, савэ́ лынэ́ лэн дро пле́но пэ дуратуны пхув ци пашатуны,

2 Ian 1:2

пал дава́ чачипэ́н, саво́ исын дрэ амэ́ндэ и явэ́ла амэ́нца пэ ве́ки:

1 Ian 1:6

Ко́ли амэ ракираса, со амэ́ндэ исын кхэтаныпэн Лэ́са, а кокорэ́ псираса дро калыпэ́н, тэды амэ хохаваса и на псираса пир чачипэ́н.

Jakov 1:22

Кэрэ́н саро́ пир Дэвлэ́скиро патяибэ́н, и, ко́ли тумэ́ фэ́ни шунэ́на, а на кэрэ́на адя́кэ, тэды тумэ́ хохавэна кокорэ́ пэс.

2 Ximaske 3:13

А фуй мануша́ и хоханэ́ сыклякирибнарья явэ́на буты́р тэ хохавэн и тэ залыджан дро хохаибэ́н явирэ манушэ́н и тэ хохавэн кокорэ́ пэс.

Ióvo 9:2

“Мэ джино́м (джина́в), со дава́ исын чачипэ́н; нэ сыр о ману́ш сашты́ тэ явэ́л чачуно́ анги́л Дэвлэ́стэ?

3 Ian 1:3

Пал-дова́ со мэ древа́н обрадындёмпэ, ке́ли дэвлы́тка пша́ла явнэ́ и допхэндлэ пал тыро́ чачипэ́н, сыр ту и дживэса пир чачипэ́н.

2 Petr 2:13

ёнэ явэ́на тэ пирилыджан пхарипэ́н пал начачипэ́н, пал дова́ со ёнэ дживэ́на пхэрдэ́с пир пэ́скиро на́лачхо камибэн со дывэ́с. Ёнэ исын замакхнэ и домагирдэ мануша́; ёнэ залэнапэ битукоскиро пэ́скирэ хохаибнаса, ке́ли свэнкинэна пал сками́нд тумэ́нца;

Ереме́ё 2:35

Нэ тумэ́ ишчо (инкэ́) ракирэ́на: ‘Пал-дова́ со амэ на сам бангэ́, Лэ́скири холы́ рисёла ригаса амэ́ндыр!’ Дыкхэ́н жа! Мэ ява́ва тэ лыджав чинга́рд (тэ сэндинавпэ) тумэ́нца, пал-дова́ со тумэ́ пхэндлэ́: ‘Амэ на кэрдя́м грэ́хо.’

Joannostir 8:44

Тумаро дад исын на́лачхо и тумэ́ камэ́на тэ кэрэ́н пир тумарэ́-дадэ́скири ла́ска. Нэ ёв саро́ джиибэ́н сыс манушэ́нгиро замарибнари, и ёв на дживдя́ дро чачипэ́н, пал-дова́ со нанэ чачипэ́н дрэ лэ́стэ; ке́ли ёв ракирэ́ла хохаибэ́н, ракирэ́ла пэ́скиро, пал-дова́ со ёв исын хохаибнари и хохаибнаскиро дад.

Римлянэнгэ 3:10

сыр и исын чхиндло́: “Нанэ ние́кх чачуно́ ману́ш;

1 Ian 4:20

Ко́ли вари-кон пхэнэ́ла: “Ма́нгэ исын дро́го Дэвэ́л”, а кокоро́ нанэ лачхо́ кэ пэ́скиро пшал, одова́ исын хохаибнари; пал-дова́ со кон нанэ лачхо́ кэ пэ́скиро пшал, савэ́с ёв дыкхця́, на могинэ́ла тэ дэл паты́в Дэвлэ́скэ, Савэс ёв на дыкхця́?

Левито 13:12

Ко́ли фра́нсо розбуґлёла пэ цы́па, и учхакирэ́ла прока́за сари́ цы́па насвалэскири, лэ́скирэ шэрэстыр кэ ґэра́, ци бут могинэн тэ дыкхэ́н рашаскирэ якха́,

4 Kralip 20:15

И пхэндя́ Исаё: “Со ёнэ дыкхнэ́ дрэ тыро́ кхэр?” И пхэндя́ Езэки́я: “Саро́, со исын дрэ кхэр миро, ёнэ дыкхнэ́; на яця́пэ ни екх предмето, саво́ мэ тэ на сыкавав бы лэ́нгэ дрэ тыкнорья мирэ́.”