1 Ian 1:6 - Библия - Пэ Балтитко Романи чиб (Романэс) 2019

⁶ Ко́ли амэ ракираса, со амэ́ндэ исын кхэтаныпэн Лэ́са, а кокорэ́ псираса дро калыпэ́н, тэды амэ хохаваса и на псираса пир чачипэ́н.

Biblija - Pe Baltitko Romani čib (Romanes) 2019

⁶ Kóli ame rakirasa, so aménde isyn khetanypen Lésa, a kokoré psirasa dro kalypén, tedy ame xohavasa i na psirasa pir čačipén.

1 Ian 1:6 Referans Kwoze

1 Ian 4:20

Ко́ли вари-кон пхэнэ́ла: “Ма́нгэ исын дро́го Дэвэ́л”, а кокоро́ нанэ лачхо́ кэ пэ́скиро пшал, одова́ исын хохаибнари; пал-дова́ со кон нанэ лачхо́ кэ пэ́скиро пшал, савэ́с ёв дыкхця́, на могинэ́ла тэ дэл паты́в Дэвлэ́скэ, Савэс ёв на дыкхця́?

1 Ian 2:4

Кон ракирэ́ла: “Мэ уджиндём Лэс” и на ракхэ́ла Лэ́скирэ припхэныбэна́, одова́ ману́ш исын хохаибнари, и нанэ нисаво́ чачипэ́н дрэ лэ́стэ;

1 Ian 1:10

Ко́ли амэ ракираса, со амэ на кэрдя́м грэ́хи, тэды амэ кэра́са Лэ́стыр Хохаибнарис, и нанэ Лэ́скиро лав амэ́ндэ.

Pritčy 2:13

одолэ́ндыр, савэ́ мэкэ́на чачунэ́ дрома́, соб (кай) тэ псирэ́н калэ́ дромэ́нца дро грэ́хо;

Joannostir 8:12

Нэвэ́стыр Ису́со ракирдя́ манушэ́нца и пхэндя́ лэ́нгэ: “Мэ сом дуд дро дава́ свэ́то: одова́, кон джа́ла пал Ма́ндэ, на явэ́ла тэ псирэ́л дро калыпэ́н, а явэ́ла лэ́стэ джиибна́скиро дуд.”

Joannostir 12:35

Тэды Ису́со пхэндя́ лэ́нгэ: “Сарэ́са пэ на́бут часо дуд (свэ́то) исын тумэ́нца. Псирэ́н, пака исын дуд, соб (кай) тэ на чхакирэл тумэн калыпэ́н (цёмныма). Нэ одова́, кон псирэ́ла дро калыпэ́н, одова́ на джинэ́ла, карик ёв джа́ла.

Jakov 2:14

Пшала́лэ мирэ́, саво́ исын проко (льго́та) адалэстыр, ко́ли ману́ш ракирэ́ла, со ёв патя́ла, нэ ни савэ́ лачхэ́ рэ́нды ёв на кэрэ́ла? Ци могинэ́ла дасаво патяибэ́н тэ зракхэ́л лэс?

Joannostir 12:46

Мэ явдём сыр дуд дро свэ́то, соб (кай) кажно, кон патя́ла дрэ Ма́ндэ, тэ на ячэ́лпэ дро калыпэ́н (цёмныма).

1 Ian 1:3

акэ, дова́-паць, со амэ дыкхцям и шундя́м, и пхэна́са тумэ́нгэ, соб (кай) тумэ́ндэ тэ явэ́н кхэтаныпэн амэ́нца, а амаро́ кхэтаныпэн исын Дадэ́са, и Лэ́скирэ чхавэ́са, Исусо́са Христосо́са.

Joannostir 11:10

нэ ко́ли ёв псирэ́ла раты́, тэды обштавэлапэ, пал-дова́ со нанэ дуд лэ́са.”

Jakov 2:18

Нэ вари-кон пхэнэ́ла тумэ́ндыр: “Ту́тэ исын патяибэ́н, а ма́ндэ исын рэ́нды (де́лы).” Сыка́в ма́нгэ тыро́ патяибэ́н би рэндэнгиро, а мэ сыкава́ва миро патяибэ́н мирэ́ рэндэ́ндыр.

Psalmy 82:5

Ёнэ на джинэ́на, на ґалёна, ёнэ дживэ́на дро калыпэ́н (цямлыпэ́н): сарэ́ свэнтоскирэ-фундаменты затринскирдэпэ.

1 Ian 1:8

Ко́ли амэ ракираса, со амэ́ндэ нанэ грэ́хо, тэды амэ хохаваса кокорэ́ пэс, и нанэ амэ́ндэ чачипэ́н.

Jakov 2:16

а вари-кон тумэ́ндыр пхэнэ́ла лэ́нгэ: “Джа́н раманёса (миро́са) и кокорэ́ урьявэнпэ и чаравэнпэ” и тумэ́ на дэ́на лэ́нгэ ничы́ ваш дова́, со исын трэй ваш лэ́нгэ, тэды саво́ проко явэ́ла кадасавэ́ патяибнастыр?

Матфеё 7:22

Бут мануша́ пхэнэ́на Ма́нгэ дро дова́ дывэ́с, ке́ли явэ́на тэ сэндинэ́н: ‘Дэ́вла, Дэ́вла! Ци на Тырэ́ лавэ́са амэ ангилпхэндям? Ци на Тырэ́ лавэ́са амэ вытрадасас налачхэ́ ду́хи? Ци на Тырэ́ лавэ́са бут ди́вы кэрасас?’

1 Ximaske 4:2

кадава́ сыклякирибэ́н роспхэнэна дуемуитка хохаибнарья, савэ́ хасякирдэ́ сари́ ладж, сы́рбы вари-кон схачкирдя́ ла,

Psalmy 94:20

Ту на явэ́са кхэтанэ́ чорэ́ ранца, савэ́ придуминэна фуипэ́н заме́ст одова́, со исын дро Зако́но.

Joannostir 8:55

Тумэ́ на джиндлэ́ Лэс, нэ Мэ джино́м (джина́в) Лэс; и ко́ли Мэ пхэна́ва, со на джино́м Лэс, тэды Мэ ява́ва адасаво́-паць хохаибнари, сыр и тумэ́ сан. Нэ Мэ джино́м Лэс и Мэ ракхава Лэ́скиро лав.