1 Ian 1:2 - Библия - Пэ Балтитко Романи чиб (Романэс) 2019

² дава́ джиибэ́н сыс сыкадо, и амэ дыкхцям дава́ и амэ сам якхи́тка и амэ пхэна́са тумэ́нгэ пал дава́ ве́чно джиибэ́н, саво́ сыс Дадэ́са, и саво́ сыс сыкадо амэ́нгэ,

Biblija - Pe Baltitko Romani čib (Romanes) 2019

² davá džiibén sys sykado, i ame dykhciam davá i ame sam jakhítka i ame phenása tuménge pal davá viéčno džiibén, savó sys Dadésa, i savó sys sykado aménge,

1 Ian 1:2 Referans Kwoze

1 Ian 5:20

Амэ джина́са, со Дэвлэ́скиро Чхаво́ явдя́ и дыя́ амэ́нгэ годы́, соб (кай) амэ тэ уджинас, кон исын чачуно́ Дэвэ́л, и соб (кай) амэ́нгэ тэ явас дро екхипэ́н чачунэ́ Дэвлэ́са, Лэ́скирэ Чхавэ́са, Исусо́са Христосо́са. Дава́ исын чачуно́ Дэвэ́л и ве́чно джиибэ́н.

Joannostir 1:4

Дрэ Лэ́стэ сыс джиибэ́н и дава́ джиибэ́н сыс Дуд (Свэ́то) ваш манушэ́нгэ.

1 Ximaske 3:16

И сарэ́ приґалынэ, со баро́ гарадо́ чачипэ́н исын дро амаро́ дэвлыткимакиро патяибэ́н: Дэвэ́л явдя́ дрэ манушы́тко лоч (плоть), Ду́хо (Фа́но) приґалыя Лэс чачунэса, сыкадя́ Пэс Янголэнгэ, пал Лэ́стэ роспхэндлэ́ машки́р сарэ́ манушэ́ндэ, дрэ Лэ́стэ упатяндыя свэ́то и Ёв сыс лыно́ упрэ́ дрэ сла́ва пэ болыбэ́н.

Joannostir 17:3

А ве́чно джиибэ́н исын дро дова́, соб (кай) тэ джинэ́н Тут, Екхэ́с Чачипнаскирэ Дэвлэ́с, и Исусо́с Христосо́с, Савэс Ту бичхадян.

1 Ian 5:11

Дава́ допхэныбэ́н исын дро дова́, со Дэвэ́л дыя́ амэ́нгэ ве́чно джиибэ́н и дая́ джиибна́скири ґанынгори исын дрэ Лэ́скирэ Чхавэ́стэ.

1 Ian 3:8

Кодова́, кон кэрэ́ла грэ́хи, исын налачхэстыр, пал-дова́ со на́лачхо кэрдя́ грэ́хи англыпна́стыр. Ваш дава́ и явдя́ Дэвлэ́скиро Чхаво́, соб (кай) тэ пхаравэл налачхэскирэ бутя́.

Titoske 1:2

дава́ чачипэ́н дэ́ла наде́я пэ ве́чно джиибэ́н, пал саво́ Дэвэ́л дыя́ лав амэ́нгэ анги́л, сыр свэ́то сыс создыно́, а Дэвэ́л ние́кхвар на хохавэла,

Joannostir 14:6

Ису́со пхэндя́ лэ́скэ: “Мэ сом дром и чачипэ́н и джиибэ́н; нико́н на явэ́ла кэ Дад, сыр екх пир Ма́ндэ.

1 Ian 3:5

И тумэ́ джинэ́на, со Ёв явдя́ ваш дова́, соб (кай) тэ лэл амарэ́ грэ́хи, и со нанэ грэ́хо дрэ Лэ́стэ.

2 Ximaske 1:10

Саво́ сыкадя́ пэс какана́ амэ́нгэ пир дава́ бахталыпэ́н, сыр явдя́ пэ пхув амаро́ Зракхибнари, Ису́со Христо́со, Саво́ хасякирдя́ мэрибэ́н и отчхакирдя́ дуд (свэ́то) и дыя́ ве́чно джиибэ́н пир бахталы́ зан (звесь);

Galatenge 4:4

а ке́ли явдя́ часо, саво́ Дэвэ́л выкэдыя́, Ёв бичхадя́ Пэ́скирэ Екхэ Чхавэ́с, Савэс джувлы́ бияндя́ и Саво́ дживдя́ тэл Юды́тко Зако́но,

Joannostir 15:27

Нэ адя́кэ-паць и тумэ́ явэ́на тэ допхэнэн, пал-дова́ со тумэ́ са́нас Ма́нца самонэ англыпна́стыр.

Apostolengiri Butý 3:15

нэ тумэ́ мулякирдэ́ джиибна́скирэ Шэрэ Рас, Конэ́с Дэвэ́л отджидякирдя́ мэрибна́стыр и амэ сам якхи́тка дро дава́.

1 Petr 5:1

Мэ, кокоро́ сом годэпхуро́ и пастырё (чхупна́ри), манга́ва тумарэ́ кхангирья́кирэ годэпхурэн и пастырен, пал-дова́ со мэ сом якхи́тко, сыр Христо́со пирилыджия пхарипэ́н, адя́кэ-паць ма́ндэ исын паш дрэ сла́ва, сави́ явэ́ла сыкады:

Римлянэнгэ 8:3

Пал-дова́ со, сыр Зако́но на могиндя́ тэ пиризорьякирэл манушэскири лоч, и хасякирдя́ пэ́скири зор, тэды Дэвэ́л бичхадя́ Пэ́скирэс Чхавэ́с, Саво́ сыс дрэ лоч (плоть), сыр грэхи́тко ману́ш, соб (кай) Ёв тэ явэ́л сыр свэ́нто дыибэ́н (жэ́ртва) пал грэ́хо и тэ сэндякирэ́л грэ́хо дрэ манушэ́стэ,

Apostolengiri Butý 10:41

Нэ на сарэ́ мануша́, а амэ, савэ́н Дэвэ́л выкэдыя́ сыр якхитконэн, дыкхцям, амэ, савэ́ хаям и пиям кхэтанэ́ Лэ́са пало́ дова́, сыр Ёв отджидыя́ мэрибна́стыр.

Apostolengiri Butý 5:32

И амэ сам якхи́тка далэскэ сарэскэ и Свэ́нто Ду́хо (Фа́но), Савэс Дэвэ́л дыя́ одолэ́нгэ, кон кандэ́ла Лэс.”

Apostolengiri Butý 2:32

Дэвэ́л отджидякирдя́ Исусо́с мэрибна́стыр, и амэ сарэ́ сам якхи́тка далэскэ.

Apostolengiri Butý 1:22

гины Ианоскирэ болдэипнастыр кэ/жы́ко дова́ дывэ́с, ке́ли Ису́со сыс ґаздыно́ амэ́ндыр, адалэ́ манушэ́скэ трэиндя́ тэ явэ́л кхэтанэ́ амэ́нца сыр якхи́тко пал Исусо́скиро отджидыибэн мэрибна́стыр,

Joannostir 21:14

Ѓа́да, акана́ три́то мо́ло Ису́со сыкадя́ Пэс Пэ́скирэ сыкляибнытконэ́нгэ, коригэды́р (позжэды́р) Лэ́скирэ отджидыипнастыр мулэ́ндыр.

Joannostir 17:5

И какана́, Да́до, славин Ман слава́са, сави́ сыс Ма́ндэ, ке́ли Мэ со́мас Ту́тэ анги́л, сыр свэ́то сыс создыно́.

Joannostir 16:28

Мэ явдём Дадэ́стыр дро дава́ свэ́то; и нэвэ́стыр Мэ мэкава свэ́то и джа́ва кэ Дад.”

Joannostir 8:38

Мэ ракира́ва тумэ́нгэ дова́, со Мэ дыкхцём Мирэ́ Дадэ́стэ: нэ тумэ́ кэрэ́на дова́, со тумэ́ дыкхнэ́ пэ́скирэ дадэ́стэ.”

Joannostir 7:29

Нэ Мэ джино́м Лэс, пал-дова́ со Мэ явдём Лэ́стыр, и Ёв бичхадя́ Ман.”

Joannostir 3:13

Нико́н на сыс пэ болыбэ́н апри́ч Одолэ́стэ, кон гия́ тэлэ́ болыбна́стыр, дава́ исын Чхаво́ Манушэ́скиро, Саво́ дживэ́ла дро Болыбна́скиро Раё.

Joannostir 1:18

Нико́н никели на дыкхця́ Дэвлэ́с: Екх Екхэбияныпнытко Чхаво́, Саво́ исын усады/сак (всегда) кхэтанэ́ Дадэ́са, Ёв сыкадя́ Лэс амэ́нгэ.

1 Ian 1:1

Пал дова́, со сыс англыпна́стыр, пал дова́, со амэ шундя́м, со дыкхцям пэ́скирэ якхэ́нца, со амэ роздыкхасас, и со чилавэнас амарэ́ васта́, дова́ и амэ пхэнасас пал Джиибна́скиро лав, –

Joannostir 10:28

и Мэ да́ва лэ́нгэ ве́чно джиибэ́н, ёнэ на хасёна ние́кхвар, и нико́н на чорэла лэн Мирэ́ вастэ́стыр.

Joannostir 19:35

И дава́ досыкадя ману́ш, саво́ дыкхця́, лэ́скиро допхэныбэ́н исын чачуно́; ёв джинэлас, со ракирдя́ чачипэ́н, соб (кай) и тумэ́ тэ патя́н.

1 Ian 2:25

И, акэ, исын дова́, пал со Христо́со Кокоро́ дыя́ лав, дава́ исын ве́чно джиибэ́н.

1 Ian 4:2

Тумэ́ уджинэна Дэвлэ́скиро ду́хо (фа́но) адя́кэ: кажно ду́хо (фа́но), саво́ приґалёла Исусо́с Христосо́с, со Ёв явдя́ дро манушы́тко лоч (плоть), исын Дэвлэ́стыр;

1 Ian 4:14

И амэ дыкхцям и сам якхи́тка (якхалэ), со Дад бичхадя́ Чхавэ́с тэ зракхэ́л свэ́то.

1 Ian 5:13

Далэ́ чачипэна́ мэ чхиндём тумэ́нгэ, кон патя́ла дро Дэвлэ́скирэ-Чхавэ́скиро лав, соб (кай) тумэ́ тэ джинэ́н, со тумэ́ндэ исын ве́чно джиибэ́н.