Židenge 3:13 - Le Devleskero Lav Andre Romaňi Čhib Slovensko 2021

¹³ Ale sako džives povzbudzinen jekh avres, medik hin časos, so pes vičinel „adadžives“, hoj ňiko tumendar te na avel klamimen le binoha a te na ačhel zacato andro jilo.

Židenge 3:13 Referans Kwoze

1. Tesaloničanenge 5:11

Vašoda tumen zoraľaren a podhazden jekh avres, avke sar oda the keren.

2. Timoteoske 4:2

Av pripravimen te vakerel o Lav le manušenge andro lačho the nalačho časos, dovaker lenge, karhin, podhazde a sikav andre savori trpezľivosť.

1. Tesaloničanenge 4:18

Vašoda tumen zoraľaren jekh avren kale lavenca.

Rimanenge 7:11

O binos pes olestar chudňa, klaminďa man prekal o prikazaňje a murdarďa man.

Skutki 11:23

Sar ode avľa a dikhľa odi milosť le Devleskri, radisaľiľa a phenelas lenge, hoj te ačhen paš o Raj cale jilenca.

Jakob 1:14

Ale sako hino cirdlo andro binos peskra žadoscatar, so les cirdel a vabinel.

Efežanenge 4:22

čhiven pal tumende tele le purane manušes leskre phurikane dživipnaha, savo pes korkoro musarelas le falošne the le nalačhe žadoscenca.

Obadijaš 1:3

O baripen andre tiro jilo tut klaminďa, bo bešes učes pro skali a tiro kher hino upre pro verchi, vašoda tuke gondoľines: ‚Ko man šaj čhivel tele pre phuv?‘

Prislovja 28:26

Ko pes zmukel pre peskri goďi, hino dilino, no oda, ko prilel o goďaveripen, ela zachraňimen.

1. Tesaloničanenge 2:11

Tumen džanen mištes, hoj dojekheha tumendar kerahas avke, sar o dad kerel peskre čhaha:

Izajaš 44:20

Ajso manuš pes čaľarel le prachoha andral o bov, leskro jilo les klaminel a odcirdel, našťi pes zachraňinel aňi phenel: „Odi modla, so chudav andre miro čačo vast hin falošno del!“

Židenge 13:22

Phralale, na pisinďom tumenge but, ale mangav tumen, hoj te prilen kala lava, so hin pre oda, hoj tumen te zoraľaren.