Židenge 12:6 - Le Devleskero Lav Andre Romaňi Čhib Slovensko 2021

⁶ Bo kas o Raj kamel, oles bararel zoraha avri a marel sakones, kas prilel sar čhas.

Gade chapit la Kopi

« Previous

tounen moute ⬆

Zjaveňje 3:19

Me sakones, kas kamav, karhinav a zorales bararav avri. Vašoda av horľivo a visar tut le binendar!

Gade chapit la

Prislovja 3:12

Bo o RAJ dovakerel oleske, kas kamel, avke sar o dad le čhaske, saves rado dikhel.

Gade chapit la

Žalmi 119:75

Džanav, RAJEJA, hoj tire sudi hine spravodľiva, potrestinďal man, bo sal verno.

Gade chapit la

Prislovja 13:24

Ko na potrestinel peskre čhavores, narado les dikhel, no oda, ko les kamel, bararel les avri, medik hino cikno.

Gade chapit la

Žalmi 94:12

Bachtalo hin oda, kas tu, RAJEJA, barares avri, kas tu sikaves tiro zakonos,

Gade chapit la

2. Samueloskro 7:14

Me avava leskro dad a ov ela miro čhavo. Te kerela varesavo binos, marava les le manušengra pacaha the le manušengre ranenca.

Gade chapit la

Jeremijaš 10:24

Mar man, RAJEJA, ale na buter sar kampel, na andre tiri choľi, hoj man te na zňičines.

Gade chapit la

5. Mojžišoskro 8:5

Le tuke andro jilo, hoj tut o RAJ, tiro Del, bararel avri avke, sar o dad bararel avri peskre čhas.

Gade chapit la

Jakob 1:12

Bachtalo murš, savo zľidžal e skuška, bo te obačhela, chudela odi koruna le dživipnaskri, pal savi o Raj diňa lav, hoj dela olen, ko les kamen.

Gade chapit la

Žalmi 119:71

Sas oda mištes, hoj somas potrestimen, hoj man te sikavav tire prikazi.

Gade chapit la

Jakob 5:11

Dikhen, amen phenas pal ola, ko ľikerde avri, hoj hine bachtale. Šunďan pal o Job, sar ľikerďa avri, a dikhľan, sar pes pal leste o Raj pro koňec postarinďa! O Raj hino igen lačho the jileskro.

Gade chapit la

Akor ela e vina le Jakoboskri odmukľi a akor dičhola, hoj o Del odiľa savore bini, sar phagerela savore barune oltara pro kotora sar o vapencos, sar na ačhena imar ňisave slupi la Ašerakre aňi ňisave kaďidloskre oltara.

Gade chapit la