Žalmi 96:6 - Le Devleskero Lav Andre Romaňi Čhib Slovensko 2021

⁶ O baro šukariben the e slava hine anglal leste, leskro Sveto than hino zoralo the igen šukar.

Žalmi 96:6 Referans Kwoze

Žalmi 104:1

Lašar le RAJES, dušo miri! RAJEJA, Devla miro, igen sal baro! Urďal tut andro šukariben the andre slava.

Žalmi 93:1

O RAJ kraľinel, urďa pre peste o šukariben; o RAJ pes urďa a phandľa pašal peste e zor. He, o svetos zathoďa zorales, na čhalavela pes.

1. Kronicko 16:27

O baro šukariben the e slava hine anglal leste, e zor the o radišagos hin ode, kaj ov bešel.

Židenge 1:3

Le Devleskri slava avel avri prekal o Čhavo a o Čhavo hino ipen ajso sar o Del. Ov savoro ľikerel peskre zorale laveha. Sar dokerďa oda, hoj obžužarďa le manušen le binendar, bešľa peske andro ňebos pal e čači sera le Nekzoraledere Devleske.

Žalmi 50:2

Pal o Sion, pal o nekšukareder than, o Del švicinel.

Žalmi 29:9

O hangos le RAJESKRO visarel avri o dubika stromi, o prajti peren tele a o veša ačhen lange. A andre leskro chramos savoro vičinel: „Slava le Devleske!“

Žalmi 27:4

Ča jekh mange mangav le RAJESTAR, ča oda kamav: Hoj te šaj bešav andre leskro chramos calo miro dživipen, hoj te šaj dikhav pro šukariben le RAJESKRO a les te rodav andre leskro chramos.

Žalmi 19:1

Oleske, ko ľidžal o bašaviben. Le Davidoskro žalmos.

Žalmi 8:1

Oleske, ko ľidžal o bašaviben. Pal o gittit. Le Davidoskro žalmos.

Žalmi 63:5

Lašarava tut, medik ča dživava, andre tiro nav hazdava o vasta.