Žalmi 92:4 - Le Devleskero Lav Andre Romaňi Čhib Slovensko 2021

⁴ Mištes hin tuke te giľavel a te bašavel pre dešehurengri citara the pre harfa.

Žalmi 92:4 Referans Kwoze

2. Korinťanenge 2:14

Ale paľikerav le Devleske, savo amenge del furt te zviťazinel andro Kristus a prekal amende del te sikavel pre dojekh than peskro prindžaripen sar odi šukar voňa.

Žalmi 8:6

Kerďal lestar pro sikra cikneder sar o aňjela; diňal les e slava the e pačiv sar e koruna.

Лукастар 1:47

a miro duchos radisaľol andro Del, miro Spasiťeľis,

Žalmi 126:3

O RAJ kerďa prekal amende bare veci a amen radisaľuvahas.

O Evaňjelium le Janoskro 16:22

The tumen akana hin pharipen, ale pale tumen dikhava a tumare jile radisaľona a tumaro radišagos tumendar ňiko na lela.

Zjaveňje 18:20

Radisaľon upral late, savore andro ňebos! Radisaľon the tumen, manušale le Devleskre! Radisaľon, apoštolale the prorokale! Bo o Del la odsudzinďa vaš oda, so tumenca kerelas.“

Žalmi 143:5

Leperav mange pre ola dživesa, so sas varekana, gondoľinav pal savoreste, so kerďal, avel mange pre goďi e buči, so kerďal tire vastenca.

Jeremijaš 31:7

Kada phenel o RAJ: „Giľaven radišagostar upral o Jakob; thoven baripen upral o nekbareder le narodendar! Giľaven zorales a phenen: ‚RAJEJA, zachraňin tire manušen, spasin le Izraeliten, save mek ačhile te dživel.‘

Žalmi 104:31

E slava le RAJESKRI mi ľikerel pro furt! Mi radisaľol o RAJ olestar, so kerďa!

Žalmi 90:16

Sikav tire skutki pre tire sluhi; tiro baro šukariben pre lengre čhave.

Žalmi 64:10

Savore manuša pes darana; vakerena pal oda, so kerel o Del, achaľona oleske, so ov kerel.

Žalmi 104:34

Oda, pal soste gondoľinav, mi el leske pre dzeka! Radisaľuvava andro RAJ.

Žalmi 33:2

Lašaren le RAJES pre citara, bašaven leske pre dešehurengri harfa!