Žalmi 90:17 - Le Devleskero Lav Andre Romaňi Čhib Slovensko 2021

¹⁷ O lačhipen le Rajeskro, amare Devleskro, mi el upral amende! Požehňin e buči amare vastengri, he, požehňin e buči amare vastengri!

Žalmi 90:17 Referans Kwoze

Prislovja 16:3

Muk tut pro RAJ savoreha, so keres, a avela tuke savoro avri.

1. Korinťanenge 3:7

A vašoda oda manuš, ko sadzinel nane ňič, aňi oda, ko poľivinel, ale o Del, savo del, hoj te barol.

2. Tesaloničanenge 2:16

A korkoro amaro Raj, o Ježiš Kristus, the o Del, amaro Dad, savo peske amen zakamľa a diňa amen peskra milosťaha o večno radišagos the e lačhi naďej,

Izajaš 26:12

RAJEJA, tu amen des o smirom; savoro, so amen dokerďam, tu vaš amenge kerďal.

Žalmi 118:25

RAJEJA, mangav tut, zachraňin amen! RAJEJA, mangav tut, hoj amenge te džal mištes!

O Job 22:28

So tuke kideha avri, oda pes ačhela, a pre tire droma švicinela o švetlos.

Žalmi 80:3

anglo Efrajim, Benjamin the Menaše! Presikav tiri zor a av amen te zachraňinel!

Žalmi 68:28

Ode hin o Benjamin, o nekcikneder kmeňos, savo džal ešebno; o but raja andral o kmeňos Juda, o raja andral o kmeňi Zebulun the Naftali.

Žalmi 80:7

Kerďal, hoj o narodi pašal amende pes te maren vaš amari phuv, a amare ňeprijaťeľa peske amendar te keren pheras.

2. Korinťanenge 3:18

No amen savore pes dikhas andre slava le Rajeskri odučharde mujeha sar andro gendalos. A odi slava, so avel le Rajestar, savo hino o Duchos, amen čerinel pre leskro obrazis – andral jekh slava andre aver.

Žalmi 110:3

Oda džives, sar džaha andro mariben, tire manuša avena pal tute korkore pestar. Avke sar e rosa avel avri sig tosara, avke tire terne murša avena ke tu pre tire sveta verchi.

Žalmi 50:2

Pal o Sion, pal o nekšukareder than, o Del švicinel.

Žalmi 27:4

Ča jekh mange mangav le RAJESTAR, ča oda kamav: Hoj te šaj bešav andre leskro chramos calo miro dživipen, hoj te šaj dikhav pro šukariben le RAJESKRO a les te rodav andre leskro chramos.

1. Jan 3:2

Mire lačhe phralale, akana sam le Devleskre čhave, ale mek pes na sikaďa, so avaha. Ale džanas, hoj sar pes sikavela, avaha ajse sar ov, bo dikhaha les avke, sar hino.