Žalmi 90:12 - Le Devleskero Lav Andre Romaňi Čhib Slovensko 2021

¹² Sikav amen te rachinel amare dživesa, hoj te dživas goďaha.

Žalmi 90:12 Referans Kwoze

Žalmi 39:4

o jilo andre mande roztačiľa, e jag rozlabiľa, sar paloda gondoľinavas. Paľis phenďom kala lava:

O Evaňjelium le Janoskro 9:4

Me mušinav te kerel o skutki oleskre, ko man bičhaďa, medik hin o džives. Avel e rat a akor ňiko našťi kerela buči.

5. Mojžišoskro 32:29

Te uľahas goďaver, achaľiľahas a sprindžarďahas, kaj džal lengro drom.

Prislovja 4:7

Ešebno goďaveripen, so šaj keres, hin kada: Dochude o goďaveripen a cin tuke o achaľuvipen vaš savoro, so tut hin.

Kazaťeľis 9:10

Savoro, so šaj keres tire vasteha, ker caľa tira zoraha, bo andro Šeol, kaj džas, nane ňisavi buči aňi gondoľišagos aňi prindžaripen aňi goďaveripen.

Prislovja 23:12

Visar tiro jilo pro dovakeriben a tire kana pro prindžaripen.

Prislovja 22:17

Prithov tiro kan a šun o lava le goďaverengre; visar tiro jilo pre mire sikavibena.

Prislovja 16:16

Te dochudel o goďaveripen hin feder sar o žužo somnakaj a te skidel o achaľuvipen hin buter sar o rup.

Prislovja 4:5

Dochude o goďaveripen the o achaľuvipen! Ma bister pre mire lava a ma visar tut olestar, so vakerav.

O Job 28:28

Paľis o Del phenďa le manušeske: ‚O goďaveripen hin te daral pes le Rajestar a o achaľuvipen hin te visarel pes le nalačhipnastar.‘ “

Prislovja 23:23

Cin tuke o čačipen a ma biken les, cin the o goďaveripen, o dovakeriben the o achaľuvipen.

Žalmi 39:5

„RAJEJA, de mange te džanel, kana merava a keci dživesa man mek hin, hoj te achaľuvav, sar sig miro dživipen našľola.

Kazaťeľis 7:2

Feder hin te džal andro kher, kaj pes vartinel, sar andre oda kher, kaj pes oslavinel. Bo ajso ela o koňec dojekhe manušeskro, o džido peske oda mi lel andro jilo.