Žalmi 88:4 - Le Devleskero Lav Andre Romaňi Čhib Slovensko 2021

⁴ Miri duša hiňi pherdžarďi le trapišagoha, miro dživipen hin imar dži paš o Šeol.

Žalmi 88:4 Referans Kwoze

Žalmi 28:1

Le Davidoskro žalmos. RAJEJA, vičinav ke tute! Skalo miri, prithov tiro kan ke ma! Te aveha čhit, avava ajso sar ola, ko džan tele andro hrobos.

2. Korinťanenge 1:9

Imar peske gondoľinahas, hoj ode meraha. Ale oda pes ačhiľa vašoda, hoj pes te na mukas korkore pre peste, ale pro Del, savo uštavel le mulen.

Žalmi 143:7

So neksigeder mange odphen, RAJEJA, miro duchos imar na birinel! Ma garuv mange tiro muj, hoj te na dičhuvav avri sar ola, ko džan tele andro hrobos.

Žalmi 31:12

Savore mire ňeprijaťeľa, a mek the mire susedi, man tele dikhen. Ola, ko man prindžaren, mandar daran; sar man dikhen pre uľica, denašen mandar het.

2. Korinťanenge 13:4

Bo kajte sas ukrižimen andro slabišagos, no dživel le Devleskra zoratar. Avke the amen sam slaba andre leste, ale leha dživaha prekal tumende le Devleskra zoraha.

Rimanenge 5:6

Bo o Kristus andre le Devleskro časos, mek sar amen samas slaba, muľa vaš o bijedevleskre.

Jonaš 2:6

O paňa man zaile dži o kirlo, o moros man calkom zaučharďa andre, le moroskri čar pes mange zapačarďa pašal o šero.

Ezechiel 26:20

akor tut lava tele jekhetane olenca, so džan andre Bari chev paš ola nipi, so dživenas varekana. Dava tuke te bešel tel e phuv maškar o phurikane zrucaňini, ole dženenca, so džan tele andre odi Bari chev, a imar na aveha pale a na zaleha tuke tiro than pre phuv maškar o džide.

Žalmi 30:9

Vičinavas pre tute, RAJEJA; Adonaj, igen tut mangavas, hoj ke ma te aves jileskro:

O Job 17:1

„Miro duchos hino igen zňičimen, mire dživesa murdaľile andre, užarel man o hrobos.

Izajaš 53:3

Sas teledikhlo a odčhido le manušendar, murš, savo peske pregeľa la dukhaha the le cerpišagoha, sar oda, anglal kaste peske o manuša garuven o muja, sas teledikhlo a na važinahas peske les.

Roviben le Jeremijašiskro 3:15

Čaľarďa man le kirke rastlinenca; diňa man te pijel e palina.