Žalmi 84:12 - Le Devleskero Lav Andre Romaňi Čhib Slovensko 2021

¹² Bo o RAJ, o Del, hin o kham the o šťitos; o RAJ presikavel o jileskeriben the e pačiv; na odphenel o lačhipen olenge, kaskro dživipen hino žužo.

Žalmi 84:12 Referans Kwoze

Žalmi 62:8

O Del man spasinel a del man pačiv. O Del hin miri zoraľi skala a miro than, kaj man garuvav.

Izajaš 30:18

A o RAJ mek užarel, hoj te avel ke tumende milosťivo, a vašoda ušťel upre, hoj tumenge te presikavel o lačhipen. Se o RAJ hino spravodľivo Del. Bachtale hine savore, so pre leste užaren.

Izajaš 50:10

Daral pes vareko tumendar le RAJESTAR a šunel o lav leskre služobňikoskro? Predžal vareko prekal o kaľipen a na dikhel ňisavo švetlos? Mi pačal andro nav le RAJESKRO a mi mukel pes pre peskro Del!

Žalmi 2:12

Čumiden le čhas, hoj te na choľisaľol a te na meren le dromeha, bo leskri choľi šaj avel jekhvareste. Bachtale hine savore, ko pes garuven andre leste.

Žalmi 34:8

Le RAJESKRO aňjelos stražinel olen, ko pes lestar daran, a cirdela len avri.

Žalmi 3:4

Ale tu, RAJEJA, sal pašal ma sar o šťitos. Sal miri slava; hazdes upre miro šero.

Žalmi 125:4

RAJEJA, ker o lačho olenge, ko hine lačhe, olenge, ko hine čačipnaskre andro jile!

Izajaš 60:19

O kham imar na ela tiro švetlos dživese aňi o čhonoro pre tu rači na švicinela, ale o RAJ ela tiro švetlos pro furt a tiro Del ela tiro šukariben.