Žalmi 80:9 - Le Devleskero Lav Andre Romaňi Čhib Slovensko 2021

⁹ Iľal o viňičis avri andral o Egipt, tradňal het avre naroden a sadzinďal les.

Žalmi 80:9 Referans Kwoze

Jozua 24:12

Bičhaďom pre lende e bari dar, hoj te izdran, a tradňom len tumendar het – the soduje amorejike kraľen. Na ačhiľa pes ada prekal tumari šabľa aňi prekal tumaro lukos.

Izajaš 27:6

Avena o dživesa, kana o Jakob mukela o koreňa, o Izrael kvitňisaľola a barola, calo svetos pherarela le ovocenca.

Jeremijaš 12:2

Tu len sadzinďal a on mukle o koreňa; baron peske a anen ovocje. Tu sal furt pre lengre vušta, ale dur lengre jilendar.

Izajaš 37:31

Ola, ko mek ačhena te dživel andral o judsko kraľišagos, mukena pale o koreňa tele andre phuv a upre anena o ovocje.

Žalmi 105:44

Diňa lenge o phuva le narodengre, ile peske o maľi, pre save aver džene kerenas buči.

1. Kronicko 21:5

A phenďa le Davidoske, keci hin manuša: „Andre calo Izrael hine 1 100 000 murša, save pes džanen te marel la šabľaha, a andre Judsko 470 000 murša.“

1. Kraľengro 4:20

O Judejci the o Izraeliti sas ajci but sar e poši paš o moros. Sas lenge mištes, bo len sas, so te chal a te pijel.

2. Samueloskro 7:10

Mire izraelike narodos dava than, kaj les sadzinava a ode bešela. Imar na izdrala a o nalačhe manuša les na dukhavena, sar oda kerenas angloda,

Žalmi 44:3

Tire vasteha cirdňal avri le naroden a amare daden sadzinďal andre lengri phuv. Avre naroden dukhavehas, ale lenge diňal te barol a te zoraľol.

Izajaš 5:2

Prekopaľinďa la, kidňa andral avri o bara, sadzinďa andre o nekfeder viňičis, maškaral ačhaďa e veža, a andre skala randľa avri o lisos. Paľis užarelas, hoj leske barola lačho hroznos, ale barolas leske ča šutlo the nalačho.

Izajaš 27:2

Andre oda džives anela e viňica but hroznos, giľaven pal late!

Jeremijaš 2:21

Se me tut sadzinďom sar o nekfeder viňičis, o lačho the o pačivalo semenos. Akor sar tutar ačhiľa o nalačho the o dzivo viňičis?