Žalmi 78:42 - Le Devleskero Lav Andre Romaňi Čhib Slovensko 2021

⁴² Na leperenas peske pre leskro zoralo vast aňi pre oda džives, sar len iľa avri lengre ňeprijaťeľistar,

Žalmi 78:42 Referans Kwoze

Jeremijaš 32:21

Tu iľal tire manušen le Izrael avri andral o Egipt le znameňjenca the le zazrakenca, tira bara zoraha, tire nacirdle vasteha the bara daraha.

Sudcengro 8:34

O Izraeliti peske imar na leperenas pro RAJ, pre peskro Del, savo len iľa avri andral o vasta savore lengre ňeprijaťeľendar.

2. Mojžišoskro 14:12

Se na phenahas tuke mek andro Egipt: ‚De amen smirom. Amen služinaha le Egipťanenge‘? Se sas feder te služinel le Egipťanenge, sar te merel pre pušťa.“

Žalmi 78:11

Bisterde pre oda, so ov kerďa, the pro zazraki, so lenge sikaďa.

2. Mojžišoskro 13:9

Kada inepos ela pre tumende sar varesavo znakos, so hin priphandlo pro vast the pro čekat. Oda tumenge leperela, hoj furt te vakeren a te sikľon o zakonos le RAJESKRO, bo ov tumen iľa avri andral o Egipt peskre zorale vasteha.

Izajaš 11:11

Andre oda džives o Raj pale hazdela o vast, hoj te cinel avri peskre manušen, save mek ačhile te dživel andre Asirija, andro Egipt, andro Patros, andro Kuš, andro Elam, andro Šinar, andro Chamat the pro ostrovi le moroskre.

Žalmi 106:21

Bisterde pro Del, pre lengro Spasiťeľis, savo kerďa bare veci andro Egipt,