Žalmi 78:4 - Le Devleskero Lav Andre Romaňi Čhib Slovensko 2021

⁴ Na garuvaha oda lengre čhavenge, phenaha le avre pokoleňjenge o slavna skutki le RAJESKRE, leskri zor the o zazraki, save kerďa.

Žalmi 78:4 Referans Kwoze

5. Mojžišoskro 11:19

Sikaven pal oda tumare čhaven a vakeren lenge, či bešena andro kher abo džana pro drom, či pašľona pro hadžos abo ušťena.

Joel 1:3

Vakeren pal oda tumare čhavenge a tumare čhave peskre čhavenge a lengre čhave lengre čhavenge.

5. Mojžišoskro 4:9

Dodikhen mištes pre oda, hoj te na bisteren, so pre peskre jakha dikhľan, a hoj oda te na našľol andral tumare jile, medik dživena. Sikaven pal oda tumare čhaven the le čhavengre čhaven.

5. Mojžišoskro 6:7

a sikaveha len tire čhaven; vakereha pal lende, sar bešeha andre tiro kher, sar džaha pro drom, sar džaha te pašľol the sar ušťeha.

Žalmi 9:14

Av ke mande jileskro, RAJEJA! Dikh, sar man trapinen ola, ko man našťi avri ačhen! Cirde man avri andral o brani le meribnaskre,

Žalmi 26:7

hoj tuke te paľikerav andre chvala a te vakerav pal tire zazraki, so keres.

O Job 15:18

pal oda, so phende o goďaver manuša, a na garude andre oda, so priile peskre dadendar.

2. Mojžišoskro 13:14

Te tumendar varekana phučena tumare čhave: ‚Oda so kada hin?‘ Odphenena lenge: ‚O RAJ amen iľa avri andral o Egipt peskre zorale vasteha, andral odi phuv, kaj samas otroka.

2. Mojžišoskro 13:8

Andre oda džives tumare čhavenge phenena avke: ‚Me kerav ada vaš oda, so o RAJ kerďa prekal ma, sar avľom avri andral o Egipt.‘

2. Mojžišoskro 12:26

A te tumendar jekhvar phučena tumare čhave: ‚Soske oslavinas kada inepos?‘

Izajaš 38:19

Ča o džide, o džide tut lašaren avke sar me adadžives; o dad le čhavenge vakerel pal tiri vernosť.