Žalmi 72:4 - Le Devleskero Lav Andre Romaňi Čhib Slovensko 2021

⁴ Mi zaačhel vaš ola, ko hine trapimen maškar o manuša, mi zachraňinel le čoren; mi zňičinel oles, ko len trapinel.

Žalmi 72:4 Referans Kwoze

Izajaš 11:4

ale andro spravodľišagos sudzinela le čoren a čačipnaha zaačhela vaš o slaba andre phuv. La pacaha andral peskro muj marela e phuv a le dichoha andral peskro muj murdarela le nalačhen.

Žalmi 109:31

bo le čore manušeske ačhel pal e čači sera, hoj les te zachraňinel olendar, ko les odsudzinen.

Zjaveňje 19:2

Bo lačhe the čačipnaskre hin leskre sudi, bo odsudzinďa ola bara lubňa, savi musarelas e phuv peskre lubipnaha a pomsťinďa pes lake vaš o rat peskre služobňikengro.“

Zjaveňje 18:24

A arakhľa pes andre late o rat le prorokengro the le Devleskre svete manušengro the savore olengro, ko sas murdarde pre phuv.“

Zjaveňje 18:20

Radisaľon upral late, savore andro ňebos! Radisaľon the tumen, manušale le Devleskre! Radisaľon, apoštolale the prorokale! Bo o Del la odsudzinďa vaš oda, so tumenca kerelas.“

Matuš 11:5

O kore dikhen, o bange phiren, o malomocna pes žužaren, o kašuke šunen, o mule ušťen andral o meriben a le čorenge pes vakerel o evaňjelium.

Zacharijaš 11:11

Andre oda džives sas zrušimen. Akor o kupci le bakrenca, so man pozorinenas, achaľile, hoj oda hin o lav le RAJESTAR.

Zacharijaš 11:7

Avke pašinavas o stados dino pro murdaripen prekal ola, ko bikenavkeren le bakren. Paľis iľom duj paci: jekhake diňom nav „o Lačhipen“ a dujtonake „e Jednota“. A pašinavas o stados.

Izajaš 9:4

Savore slugaďengre kamašľi, savenca pes džal andro mariben, the savore gada močimen andro rat ena zlabarde a labona andre jag sar kašta.

Prislovja 20:26

O goďaver kraľis avel pre oda, ko hin nalačhe, a marel len igen zorales.

Žalmi 94:5

Phiren pal tire manuša, RAJEJA, dukhaven tiro ďeďictvos.

Žalmi 2:9

Phagereha len la trastuňa pacaha; rozmareha len sar o čikakre pira.‘ “

O Job 34:24

Ov ňičinel le zorale muršen bi oda, hoj len ešeb te šunel avri, a pre lengre thana thovel avren.

O Job 19:2

„Dži kana man trapinena a marena tele le lavenca?

Izajaš 42:1

„Dikh, miro služobňikos, saves zoraľarav, miro avrikidlo, savo mange hino pre dzeka. Mire duchos thoďom pre leste, ov anela o spravodľišagos le narodenge.

Izajaš 42:3

E prephagľi trsťina na dophagela a e momeľi, savi mek thuvisaľol, na murdarela andre. Ov anela o spravodľišagos savorenge.