Žalmi 72:18 - Le Devleskero Lav Andre Romaňi Čhib Slovensko 2021

¹⁸ Barar le RAJES, le Devles, le Izraeloskre Devles! Ča ov kerel bare zazraki.

Žalmi 72:18 Referans Kwoze

Žalmi 41:13

Tu man podhazdeha, bo kerav oda, so hin lačho; thoveha man te ačhel paš tute pro furt.

Žalmi 106:48

Lašardo mi el o RAJ, o Del le Izraeloskro, na veki vekov! A savore manuša mi phenen: „Amen!“ Haleluja!

1. Kronicko 29:10

Paľis o David lašarelas le RAJES angle savore manuša kavke: „Av lašardo, RAJEJA, Devla amare phure dadeskro, le Jakoboskro, čirlastar pro furt!

Žalmi 86:10

Tu sal baro a keres bare zazraki; ča tu jekh sal Del.

2. Mojžišoskro 15:11

Ko maškar o devla hino ajso sar tu, RAJEJA? Ko hino ajso slavno the sveto? Ko šaj kerel ajse zazraki the znameňja sar tu?

Žalmi 136:4

Ča ov korkoro kerel o bare zazraki, bo leskro verno kamiben ľikerel pro furt.

Žalmi 77:14

Devla, tiro drom hino sveto! Savo del hino ajso baro sar amaro Del?

Žalmi 68:35

Vakeren pal le Devleskri zor! Leskri slava hin upral o Izrael, leskri zor hin andro chmari.

1. Kronicko 29:20

Paľis o David phenďa savore manušenge: „Lašaren le RAJES, peskre Devles!“ Avke savore ola manuša chudle te lašarel le RAJES, peskre dadengre Devles, a andre pačiv banďonas dži pre phuv anglo RAJ the anglo kraľis David.

O Job 5:9

Ov kerel ajse bare zazraki, save našťi te achaľol, a ajci ďivi, save pes na den aňi te zrachinel.

O Job 9:10

Ov kerel igen bare veci, save pes na del te achaľol, o zazraki, save pes na del te zgenel.

Žalmi 77:15

Tu sal o Del, savo kerel o zazraki! Tu sikaďal tiri zor maškar o narodi.

Žalmi 98:1

Žalmos. Giľaven le RAJESKE nevi giľi, bo kerďa o zazraki. Leskro čačo vast the leskro sveto valos leske ande o viťazstvo.