Žalmi 71:19 - Le Devleskero Lav Andre Romaňi Čhib Slovensko 2021

¹⁹ Devla, tiro spravodľišagos, džal dži o ňebos, bo bare veci kerďal. Ko hin sar tu, Devla?

Žalmi 71:19 Referans Kwoze

Žalmi 35:10

Andral calo jilo phenava: „RAJEJA, ko hin, sar sal tu? Tu zachraňines le slabe manušes le zoralestar, le čores the le slabes olestar, ko les trapinel.“

Žalmi 57:10

Paľikerava tuke, Rajeja, maškar o manuša; giľavava tuke maškar o narodi.

Izajaš 55:9

„Bo ajci sar o ňebos hino učeder la phuvatar, ajci učeder hine mire droma tumare dromendar a mire gondoľišagi tumare gondoľišagendar.

Лукастар 1:49

bo bare veci prekal ma kerďa o zoralo Del, saveskro nav hin sveto.

Jeremijaš 10:7

Ko pes tutar na daranďiľahas, Kraľina le narodengro? He, tutar pes kampel te daral, bo ňiko nane ajso sar tu maškar savore goďaver vodci le narodengre aňi andre savore lengre kraľišagi.

Izajaš 40:25

„Ke kaste man kamen te pripodobňinel? Hin vareko ajso sar me?“ phučel o Sveto Del.

Izajaš 40:18

Ke kaste pripodobňinena le Devles? Kaha les šaj porovňinen?

Žalmi 86:8

Nane ňiko maškar o devla ajso sar tu, RAJEJA, aňi našťi keren oda, so tu kerďal.

Žalmi 72:18

Barar le RAJES, le Devles, le Izraeloskre Devles! Ča ov kerel bare zazraki.

O Job 5:9

Ov kerel ajse bare zazraki, save našťi te achaľol, a ajci ďivi, save pes na den aňi te zrachinel.

2. Mojžišoskro 15:11

Ko maškar o devla hino ajso sar tu, RAJEJA? Ko hino ajso slavno the sveto? Ko šaj kerel ajse zazraki the znameňja sar tu?

Izajaš 5:16

Ale o Nekzoraleder RAJ ela paš o sudos barardo; o spravodľiva skutki le Svete Devleskre sikavena, hoj hino sveto.

Prislovja 15:24

O goďaver manuša phiren pal o drom, so len ľidžal upre andro dživipen a obdžan o drom, so džal tele andro meriben.

Žalmi 139:6

Igen man čudaľinav upral tiro prindžaripen, bareder hino sar miri goďi, našťi dži ode dochudav.

Prislovja 24:7

O goďaveripen hin igen učo le dilineske; sar pes zdžan o manuša, nane les ňič lačho te phenel.

5. Mojžišoskro 3:24

‚Ó, Adonaj, RAJEJA, tu chudňal te sikavel tire služobňikoske, savo sal baro the zoralo. Či hin mek varekhaj pro ňebos vaj pre phuv ajso del, savo kerďahas ajse bare the zorale skutki sar tu?

Žalmi 36:7

Tiro spravodľišagos hin sar o nekučeder verchi, tire sudi sar le moroskre hlbini. RAJEJA, starines tut pal o manuša the pal o džviri.