Žalmi 71:10 - Le Devleskero Lav Andre Romaňi Čhib Slovensko 2021

¹⁰ Bo ola, ko pre ma džan, pre ma vakeren; ola, ko man kamen te murdarel, pal ma phenen:

Žalmi 71:10 Referans Kwoze

Jeremijaš 20:10

Šunav but dženen te šepkinel: „E bari dar hin všadzik! Den les andre! Daha les andre!“ Savore mire prijaťeľa užaren pre oda, hoj perava, a phenen: „Ko džanel, či les na klaminaha, a oleha les domaraha a pomsťinaha pes leske.“

Žalmi 83:3

Se dikh, tire ňeprijaťeľa pes vzburinen; ola, ko tut našťi avri ačhen, hazden upre peskro šero.

Žalmi 56:6

Sako džives previsaren mire lava, ča furt gondoľinen avri, sar man te dukhavel.

Žalmi 31:13

Bisterde pre ma sar pre oda, ko muľa; som sar e phagerďi kuči.

Matuš 27:1

Sig tosara pes dovakerde savore bare rašaja the o phuredera le nipengre pro Ježiš, hoj les dena te murdarel.

Prislovja 1:11

Te phenena: „Av amenca, arakhaha varekas a murdaraha les! Av chučaha pre varekaste, ko amen ňič na kerďa!

Žalmi 10:9

Sar o ľevos užarel garudo andre peskri chev, avke užarel ov, hoj te chudel le slabes. Chudela le slabes a cirdela les pal peste andre sita;

Žalmi 2:2

O kraľa pre phuv pes zdžan a o vodci pes dovakeren maškar peste, sar te džal pro RAJ the pre leskro pomazimen kraľis.

1. Samueloskro 19:11

Paľis o Saul bičhaďa peskre muršen andro kher ko David, hoj les te stražinen a tosara les te murdaren. E Mikal, le Davidoskri romňi, leske phenďa: „Te na denašeha mek adi rat, tajsa aveha murdardo.“

Žalmi 109:20

Kavke mi visarel pale o RAJ mire žalobcenge the olenge, ko pal ma namištes vakeren.