Žalmi 69:15 - Le Devleskero Lav Andre Romaňi Čhib Slovensko 2021

¹⁵ Cirde man avri andral e čik, hoj te na tasľuvav! Le man avri olendar, ko man našťi avri ačhen, zachraňin man andral o bare paňa,

Žalmi 69:15 Referans Kwoze

Skutki 2:24

No o Del les uštaďa andral o meriben a iľa lestar o meribnaskre dukha, se aňi pes na delas, hoj les o meriben te ľikerel andre peskri zor.

Žalmi 16:10

bo na mukeha miri duša pre oda than, kaj hine o mule, aňi na deha tire pačivaloneske, hoj leskro ťelos te kirňol.

Skutki 2:31

O David oda imar anglal dikhľa a vakerelas pal o Kristus, hoj ušťela andral o meriben a hoj leskri duša na ačhela pre oda than, kaj hine o mule, aňi leskro ťelos na kirňola.

Matuš 12:40

Bo avke, sar sas o Jonaš andro per la bara ribake trin džives the trin rača, ela the o Čhavo le Manušeskro tele andre phuv trin džives the trin rača.

1. Mojžišoskro 7:18

O paňi igen barolas a učharelas andre savoro, so sas pre phuv, a o korabos plavinelas upral o paňi.