Žalmi 65:11 - Le Devleskero Lav Andre Romaňi Čhib Slovensko 2021

¹¹ Poľivines lakre brazdi, zrovňines lakre hrudi, le brišindeha la kovľares a požehňines lakro uľipen.

Žalmi 65:11 Referans Kwoze

Žalmi 103:4

Ov cinel avri tiro dživipen andral o hrobos a leskro kamiben the jileskeriben hin tiri koruna.

Žalmi 5:12

Ale mi radisaľon savore, so pes denašen te garuvel ke tute; mi giľaven radišagostar pro furt! Učhar andre olen, ko kamen tiro nav, hoj te thoven baripen andre tu.

Žalmi 36:8

Savo vzacno hin tiro verno kamiben, Devla! Savore manuša pes garuven andro ciňos tire kridlengro.

Haggeus 2:19

Či mek hin zrnos andro stodoli? Se mek aňi o viňičis, aňi o figovňikos, aňi o granatovňikos, aňi e oliva na anen o uľipen! Ale adadživesestar chudava te požehňinel.‘ “

Prislovja 14:18

Le nagoďaverenge ačhela o diliňipen, ale o goďaver ena koruňimen le prindžaripnaha.

Malachijaš 3:10

Anen caľi ďesjatka andro sklados, hoj te el o chaben andre miro kher. Avke man skušinen avri,“ phenel o Nekzoraleder RAJ, „či tumenge na otkerava o oblaki le ňeboskre a na čhivava pre tumende o požehnaňja, medik tumen na ela savorestar pherdo.

Joel 2:14

Ko džanel? Talam čerinela peskro gondoľišagos, ela leske pharo a mukela pal peste o požehnaňje, hoj tumen te el e chabeneskri the e moľakri obeta prekal o RAJ, tumaro Del.

Žalmi 25:10

O RAJ furt pačivalones kamel a doľikerel peskro lav olenge, ko doľikeren leskri zmluva the leskre prikazaňja.

Žalmi 104:3

O khera tuke ačhaves pro paňa upral, o verdan tuke keres le chmarendar a džas pro kridli la balvajakre.

Rimanenge 11:17

Varesave konarica sas avriphagle, a tu, sar e dzivo oliva, salas andre zašťepimen maškar okla a ačhiľa tutar oda, ko lel e chasna la olivakre koreňistar the le žirostar,

O Job 36:28

a čhivel len tele prekal o chmari, hoj te del baro brišind pre savore manuša.

5. Mojžišoskro 11:12

O RAJ, tumaro Del, pes pal late starinel a leskre jakha pre late dikhen calo berš.

O Job 5:10

Ov del o brišind pre phuv a bičhavel o paňi pro maľi;

Žalmi 68:10

Ó Devla, diňal but brišind, občerstvinďal tiri ďeďično phuv, so sas igen šuki.

Žalmi 104:13

Cinďares o verchi andral tire uprune khera; e phuv hiňi čaľi le ovocendar tira bučatar.