Žalmi 59:12 - Le Devleskero Lav Andre Romaňi Čhib Slovensko 2021

¹² Ma murdar len, hoj mire manuša te na bisteren, ale roztrade len tira zoraha a čhiv lenca andre phuv! Rajeja, tu sal amaro šťitos!

Žalmi 59:12 Referans Kwoze

Prislovja 12:13

O nalačho manuš pes chudela andre pasca le nalačhe lavenca, so vakerel, no o lačho pes lela avri andral o pharipen.

Prislovja 18:7

Oda, so o dilino vakerel, les zňičinel; leskre lava les zachuden andre pasca.

Žalmi 10:7

Pherdo košiben the klamišagos les hin andro muj; dukhavel avren le vuštenca; pre čhib les hin o pharipen the o nalačhipen.

Hozeaš 4:2

Košen, klaminen, murdaren, čoren a keren o lubipen; o murdaripen pal o murdaripen, nane len imar ňisave hraňici.

Žalmi 10:2

O nalačho manuš andre peskro baripen džal pro čore manuša. Mi chudel pes andro pasci, so kerďa!

Лукастар 23:5

Ale on pre leste ispidenas a phenenas: „Kerel upre le manušen, sar sikavel pal caľi Judsko! Chudňa andral e Galileja a avľa dži kade!“

Matuš 27:63

a phende: „Rajeja, avľa amenge pre goďi, hoj oda zvodcas, mek sar dživelas, phenďa: ‚Pal o trin džives uščava andral o meriben.‘

Matuš 27:25

A savore nipi phende: „Leskro rat pre amende the pre amare čhave!“

Sofonijaš 3:11

Andre oda džives, Jeruzalemona, tut na ladžaha vaš ňisavo nalačhipen, so mange kerďal. Lava tutar het savoren, so pes barikanes lašaren; imar šoha tut na hazdeha upre pre miro sveto verchos.

Prislovja 11:6

O spravodľišagos zachraňinel le pačivalen, ale le napačivalen zachudel e pasca lengre nalačhe žadoscengri.

Prislovja 6:2

te tut zachudňal andre oda, so vakerehas le mujeha, a zakerďal tut andro lava, so phenďal;

Žalmi 79:12

Ole narodenge pašal amende, so tuke dophenenas, visar pale eftavar buter, Rajeja!

O Job 12:24

Le vodcendar, so ľidžan o narodi pre phuv, kerel dilinen; mukel len te bludzinel pal e pušťa, kaj nane droma.

Roviben le Jeremijašiskro 3:62

Sako džives peske šepkinen a vakeren pre ma mire ňeprijaťeľa.

Ezechiel 12:16

Mukava lendar te dživel vajkeci muršen, save denašena la šabľatar, la bokhatar the le meribnaskre nasvaľibnastar, hoj andre ola narodi, kaj džana, peske te pridžanen savore peskre džungipena, so kerenas. Ode sprindžarena, hoj me som o RAJ.“