Žalmi 57:8 - Le Devleskero Lav Andre Romaňi Čhib Slovensko 2021

⁸ Miro jilo tuke zorales pačal, Devla! Miro jilo tuke zorales pačal; giľavava tuke a bašavava.

Žalmi 57:8 Referans Kwoze

Žalmi 16:9

Vašoda miro jilo radisaľol, hin man radišagos a miro ťelos ela chraňimen,

Žalmi 30:12

Miro roviben visarďal pro kheľiben; čhiďal pal ma tele o kale gada a urďal man andro radišagos,

Sudcengro 5:12

Ušťi, ušťi upre, Deboro, ušťi, ušťi upre! Giľav giľi! Ušťi, Barak! Ľidža het tire zaphandlen, čhavo le Abinoamoskro!

Skutki 2:26

Vašoda radisaľiľa miro jilo the miri čhib, hoj mek the miro ťelos odpočovinela andre naďej,

Izajaš 52:1

Ušťi upre, ušťi upre, Sionona, uri tut andre tiri zor! Uri pre tu tire šukar gada, Jeruzalemona, sveto forona, bo imar buter ke tu na avela o naobrezimen the o nažužo manuš!

Izajaš 52:9

Giľaven, radisaľon jekhetane, tumen, o rozburimen thana le Jeruzalemoskre, bo o RAJ poťešinďa peskre manušen; cinďa avri le Jeruzalem.

Žalmi 150:3

Lašaren les pre bakraňi truba! Lašaren les pre harfa the pre citara!

2. Kronicko 20:28

Sar doavle andro Jeruzalem, gele paš o Chramos le RAJESKRO le bašavibnaha pro harfi, pro citari the pro trubi.

Žalmi 27:6

Imar akana hin miro šero hazdlo upral o ňeprijaťeľa pašal mande! Andre leskro sveto stanos obetinava radišagoha; giľavava a bašavava le RAJESKE.

Žalmi 43:4

Avke avava paš o oltaris le Devleskro, ko Del, savo mange del te radisaľol. Radisaľuvava a pre harfa tut lašarava, Devla, miro Devla.