Žalmi 48:14 - Le Devleskero Lav Andre Romaňi Čhib Slovensko 2021

¹⁴ Dikhen mištes, save zorale muri les hin! Prephiren tumen pal leskre hradi, hoj te šaj vakeren olenge, ko avena pal tumende.

Žalmi 48:14 Referans Kwoze

Izajaš 58:11

O RAJ tut furt ľidžala a dela tut oda, so tuke kampel pro thana, kaj hin o šukiben; dela tut zor the sasťipen. Aveha sar e zavlažimen zahrada, sar e chaňig, savi šoha na šučol avri.

Žalmi 73:24

Tu man ľidžas tire radenca a paľis man prileha andre tiri slava.

O Evaňjelium le Janoskro 16:13

Ale sar avela Ov, o Duchos le čačipnaskro, ľidžala tumen andre dojekh čačipen. Na vakerela korkoro pestar, ale vakerela savoro, so šunel. A phenela tumenge the oda, so avela.

Žalmi 25:9

Ľidžal le pokornen andro spravodľišagos a sikavel lenge peskro drom.

Žalmi 73:26

Miro ťelos the miro jilo šaj slabisaľol, ale e zoraľi skala mire jileskri hin o Del, ov hino miro pro furt.

Žalmi 31:14

Šunďom but dženen, sar peske počoral phenen andro kana: „E dar pre leste avel pal dojekh sera!“ Dovakerde pes pre mande; den pes goďi, sar mange te lel o dživipen.

Žalmi 16:2

Phenav le RAJESKE: „Tu sal miro RAJ! Bijal tu man nane ňič lačho.“

Prislovja 8:20

Me phirav pal o čačipnaskre droma, pal o spravodľiva chodňiki,

Roviben le Jeremijašiskro 3:21

Ale kada mange lav andro jilo a pre kada man mukav:

4. Mojžišoskro 9:22

Te e chmara ačhelas upral o Svetostankos duj džives abo čhon, vaj buter časos, o Izraeliti ačhenas ode andro taboris, medik e chmara sas upral o Svetostankos. Ale sar pes hazdelas upre, mukenas pes pro drom.

2. Samueloskro 7:24

Tu kerďal, hoj o Izraeliti te aven tire manuša pro furt, a tu, RAJEJA, ačhiľal lengro Del.

Žalmi 71:18

Kajte avava phuro a ela man šiva bala, ma omuk man, Devla, medik na vakerava pal tiri zor avre pokoleňjenge, pal tire zorale skutki savorenge, ko avena pal ma.