Žalmi 44:5 - Le Devleskero Lav Andre Romaňi Čhib Slovensko 2021

⁵ Devla, tu sal miro Kraľis! Tu prikazinďal, hoj o Jakob te el zachraňimen.

Žalmi 44:5 Referans Kwoze

Žalmi 108:13

Pomožin amenge te domarel amare ňeprijaťeľen, bo le manušeskri pomoca nane pre ňisoste.

Žalmi 60:12

Či na tu, Devla? Ale tu amen odčhiďal a imar na ľidžas amare armadi!

Filipanenge 4:13

Savoro birinav andro Kristus, bo ov man del zor.

5. Mojžišoskro 33:17

O Jozef andre peskro šukariben hino ajso sar o ešebno bikos, hin les rohi sar le dzive bivolos. Ola rohi hine o ezera manuša andro Menaše a o deš ezera andro Efrajim; lenca predžubinela le naroden a ispidela len dži pro agor la phuvakro.“

Zacharijaš 10:5

Ena sar o zorale murša andro mariben; zašľapinena le ňeprijaťeľen andre čik pro uľici. Marena pes, bo o RAJ hino lenca, a anena pre ladž le ňeprijaťeľengre jazdcen pro graja.

Daniel 8:4

Dikhľom ole baranos te marel le rohenca pro zapados, severos the pro juhos. Ňisavo džviros angle leste na obačhiľa a ňiko pes andral leskri zor našťi zachraňinelas. Kerelas oda, so kamelas, a ľidžalas pes upre.

Žalmi 91:13

Uštareha pro ľevos the pre zmija; pro terno ľevos the pro sap.

Rimanenge 16:20

O Del, savestar avel o smirom, sig rozpučinela le satan tel tumare pindre. E milosť amare Rajeskri le Ježišoskri Kristoskri mi el tumenca.

1. Kraľengro 22:11

Jekh lendar, o Cidkijah, le Kenaaniskro čhavo, peske kerďa trastune rohi a vičinelas: „Kada phenel o RAJ: ‚Kale rohenca predemeha le Aramejčanen, medik len na murdareha.‘ “

Žalmi 5:3

Šun avri miro zoralo mangipen, Kraľina miro a Devla miro, bo ke tute man modľinav!

Izajaš 33:22

Bo o RAJ hino amaro sudcas, o RAJ amenge diňa o zakonos, o RAJ hino amaro kraľis, ov amen zachraňinela.