Žalmi 33:6 - Le Devleskero Lav Andre Romaňi Čhib Slovensko 2021

⁶ Le RAJESKRE laveha sas kerdo o ňebos a le dichoha andral leskro muj savore čercheňa.

Žalmi 33:6 Referans Kwoze

Židenge 11:3

Le pačabnaha achaľuvas, hoj o ňebos the e phuv sas stvorimen le Devleskre laveha avke, hoj olestar, so na dičhol, hino kerdo oda, so dičhol.

2. Peter 3:5

Bo on narokom na kamen te dikhel, hoj o ňebos the e phuv sas imar čirlastar kerde prekal le Devleskro lav a hoj e phuv ačhiľa le paňestar a prekal o paňi.

O Job 33:4

O Duchos le Devleskro man stvorinďa, o dichos le Nekzoraledereskro man del o dživipen.

Žalmi 33:9

Bo ov phenďa a ačhiľa pes, rozkazinďa a o svetos pes kerďa.

1. Mojžišoskro 2:1

Avke sas dokerdo o ňebos, e phuv the savoro, so andre lende hin.

1. Mojžišoskro 2:7

Akor o RAJ, o Del, kerďa le manušes le prachostar pal e phuv a phurdľa leske andro nakh o dichos le dživipnaskro a o manuš chudňa te dživel.

O Evaňjelium le Janoskro 20:22

Sar oda phenďa, phurdľa pre lende a phenďa lenge: „Prilen le Svete Duchos!

1. Mojžišoskro 1:6

O Del phenďa: „Mi el pre obloha e klenba, savi rozďelinela o paňa upral the telal.“

O Job 26:13

Leskro dichos žužarďa o ňebos, leskro vast predemaďa le bare sapes, so denašelas.

1. Mojžišoskro 6:7

Avke o RAJ phenďa: „Odstraňinava pal e phuv le manušen, saven stvorinďom, a the savore džviren, savore čiriklen a mek the olen, so pes cirden pal e phuv, bo bajinav, hoj len stvorinďom.“

Rimanenge 1:25

On čerinde o čačipen le Devleskro vaš o klamišagos a radeder lašarenas a služinenas le stvorimen vecenge sar le Stvoriťeľiske. Les kampel furt te lašarel! Amen.

Žalmi 104:30

Savore hine stvorimen, sar bičhaves tiro duchos; a des o nevo dživipen la phuvake.

1. Mojžišoskro 1:1

Ešebnovarestar o Del stvorinďa o ňebos the e phuv.

5. Mojžišoskro 4:19

A sar dikhena upre pro ňebos a dikhena o kham, o čhonoro the o čercheňa – savoro, so hin andro ňebos – ma den tumen te scirdel, hoj tumen lenge te klaňinen a te lašaren len. Se o RAJ, tumaro Del, len diňa savore narodenge tel calo ňebos.

Jeremijaš 8:2

Thovena len pro kham, pro čhonoro the pro čercheňa le ňeboskre, saven kamenas, savenge služinenas, pal save phirenas, savendar phučenas so te kerel a saven lašarenas. Na skidena len upre aňi len pale na parunena, ale ačhena rozčhide pre phuv sar hnojos.

Jeremijaš 10:16

Ale o Del le Jakoboskro nane ajso sar ola modli. Ov hino Stvoriťeľis savoreske a o Izrael hine leskre manuša, leskro nav hin o Nekzoraleder RAJ.“