Žalmi 33:1 - Le Devleskero Lav Andre Romaňi Čhib Slovensko 2021

¹ Tumen o čačipnaskre, giľaven radišagoha le RAJESKE, bo le čače manušenge pasinel e chvala.

Žalmi 33:1 Referans Kwoze

Žalmi 32:11

Tumen o spravodľiva, radisaľon a thoven baripen andro RAJ! Giľaven savore, ko san žuže andro jile!

Filipanenge 4:4

Radisaľon andro Raj furt a pale phenav: Radisaľon!

Žalmi 147:1

Haleluja! Sar mištes hin te lašarel amare Devles, bo šukares oda hin a kampel les te bararel.

Žalmi 118:15

O radišagoskre giľa pal e zachrana šunďol andro stani le spravodľive manušengre: „Le RAJESKRO čačo vast kerďa zorale veci!

Žalmi 97:12

Tumen spravodľiva, radisaľon andro RAJ a lašaren leskro sveto nav!

Prislovja 15:8

Le RAJESKE džungľon o obeti le nalačhe manušendar, ale pre dzeka leske hin e modľitba le čače manušengri.

Žalmi 135:3

Lašaren le RAJES, bo o RAJ hino lačho, giľaven leskre naveske, bo hino šukar.

Rimanenge 3:10

Avke sar hin pisimen: „Ňiko nane lačho,

Rimanenge 5:19

Bo avke sar prekal oda, hoj jekh manuš na šunďa, ačhile but džene binošna, avke the prekal oda, hoj jekh manuš šunďa, ačhena but džene čačipnaskre.