Žalmi 32:10 - Le Devleskero Lav Andre Romaňi Čhib Slovensko 2021

¹⁰ Le nalačhes hin pherdo dukha, ale oda, ko pes mukel pro RAJ, ela učhardo andre leskre verne kamibnaha.

Žalmi 32:10 Referans Kwoze

Prislovja 16:20

Te ľikereha andro jilo oda, so sikľiľal, arakheha o lačhipen, a te tut zmukeha pro RAJ, aveha bachtalo.

Prislovja 13:21

Le binošnen hin e bibach všadzik, kaj džan, ale o lačhe ena počimen le lačhe vecenca.

Žalmi 147:11

Le RAJESKE hin pre dzeka ola, ko pes lestar daran, ola, ko pes muken pre leskro verno kamiben.

Žalmi 146:5

Bachtalo oda, kaske pomožinel o Del le Jakoboskro; ko pes mukel pro RAJ, pre peskro Del,

Žalmi 34:8

Le RAJESKRO aňjelos stražinel olen, ko pes lestar daran, a cirdela len avri.

Žalmi 5:12

Ale mi radisaľon savore, so pes denašen te garuvel ke tute; mi giľaven radišagostar pro furt! Učhar andre olen, ko kamen tiro nav, hoj te thoven baripen andre tu.

1. Timoteoske 6:10

Bo o kamiben ko love hin o koreňis savore nalačhipnaske. Varesave džene andre oda pele, odgele le pačabnastar a kerde korkore peske but dukha.

Žalmi 84:12

Bo o RAJ, o Del, hin o kham the o šťitos; o RAJ presikavel o jileskeriben the e pačiv; na odphenel o lačhipen olenge, kaskro dživipen hino žužo.

Žalmi 16:4

Ola, ko denašen pal aver devla, cerpinena furt buter. Me ole devlenge na anava le rateskri obeta a na lava lengre nava pro vušta.

Žalmi 2:12

Čumiden le čhas, hoj te na choľisaľol a te na meren le dromeha, bo leskri choľi šaj avel jekhvareste. Bachtale hine savore, ko pes garuven andre leste.

Izajaš 3:11

Ale vigos le nalačhenge! Na ela lenge mištes! O nalačhipen, so kerenas avrenge, pes kerela the lenge.

Kazaťeľis 8:12

Kajte o binošno kerel šelvar o nalačhipen a dživel but, me džanav, hoj ela feder olenge, ko pes daran le Devlestar, kas hin e sveto dar anglo RAJ.

Žalmi 140:11

Mi perel pre lende o jagale angara, mi čhivel len o Del andre jag, andre bari chev, hoj imar te na ušťen.

Žalmi 40:4

Thoďa mange andro muj e nevi giľi, e chvala amare Devleske. But manuša oda dikhena, darana pes a mukena pes pro RAJ.

Izajaš 57:21

„Le nalačhen na ela ňisavo smirom,“ phenel miro Del.

Žalmi 11:6

O brišind le jagale angarenca the e sira mukela pro nalačhe; marela len la rozlabarďa balvajaha.