Žalmi 30:7 - Le Devleskero Lav Andre Romaňi Čhib Slovensko 2021

⁷ Sar somas andro smirom, phenďom mange: „Šoha man na čhalavava.“

Žalmi 30:7 Referans Kwoze

Žalmi 104:29

Sar garuves o muj, daran pes; Sar lenge les o dichos, meren a ačhen pale prachoske.

Žalmi 143:7

So neksigeder mange odphen, RAJEJA, miro duchos imar na birinel! Ma garuv mange tiro muj, hoj te na dičhuvav avri sar ola, ko džan tele andro hrobos.

Žalmi 89:17

Tire navestar radisaľon calo džives a andre tiro spravodľišagos ačhen,

Žalmi 40:2

Igen užaravas pro RAJ, ov pes ke ma visarďa a šunďa man, sar vičinavas andro pharipen.

Žalmi 30:5

Giľaven o žalmi le RAJESKE, tumen, leskre pačivale manušale, a paľikeren leskre svete naveske.

Žalmi 5:12

Ale mi radisaľon savore, so pes denašen te garuvel ke tute; mi giľaven radišagostar pro furt! Učhar andre olen, ko kamen tiro nav, hoj te thoven baripen andre tu.

O Job 10:12

Tu man diňal dživipen a presikaďal mange tiro kamiben; starinehas tut pal ma a ľikerehas miro duchos.

5. Mojžišoskro 31:17

Andre oda džives pre lende choľisaľuvava, omukava len a garuvava angle lende miro muj. Ena zňičimen, bo pre lende avena but pohromi the pharipena. Paľis peske phenena: ‚Kala pohromi pre amende avle, bo maškar amende nane amaro Del.‘

Izajaš 38:17

Dikh, miri bari žaľa mange sas pro lačho. Tire kamibnaha mange zachraňinďal o dživipen le meribnastar; bo savore mire bini čhiďal pal tiro dumo.

Žalmi 102:10

Se o prachos andral o bov chav sar o maro, o pijiben mange mišinav le apsenca

Žalmi 44:3

Tire vasteha cirdňal avri le naroden a amare daden sadzinďal andre lengri phuv. Avre naroden dukhavehas, ale lenge diňal te barol a te zoraľol.

Žalmi 10:1

RAJEJA, soske sal avke dur? Soske tut garuves akor, sar mange hin phares?