Žalmi 29:11 - Le Devleskero Lav Andre Romaňi Čhib Slovensko 2021

¹¹ O RAJ del zor peskre manušen; o RAJ požehňinela peskre manušen le smiromoha.

Žalmi 29:11 Referans Kwoze

Izajaš 40:31

Ale ola, ko užaren pro RAJ, chuden e nevi zor, ľecinen sar orli le kridlenca; denašen a nane strapimen, phiren a šoha na slabisaľon.

2. Tesaloničanenge 3:16

Korkoro o Raj, savestar avel o smirom, tumen mi del o smirom andre dojekh časos the andre savoreste. O Raj mi el tumenca savorenca!

Izajaš 41:10

Ma dara tut, bo me som tuha; ma predara, bo me som tiro Del, dava tut zor a pomožinava tuke; podhazdava tut mire spravodľive čače vasteha.

O Evaňjelium le Janoskro 16:33

Kada tumenge vakeravas vašoda, hoj tumen te avel andre mande smirom. Andro svetos tumen ela pharipen. Ale aven zorale! Me zviťazinďom upral o svetos.“

Izajaš 40:29

Ov del zor oles, ko hino strapimen, a oles, ko na birinel, del bari zor.

Žalmi 68:35

Vakeren pal le Devleskri zor! Leskri slava hin upral o Izrael, leskri zor hin andro chmari.

Žalmi 37:11

Ale o pokorna manuša chudena e phuv a radisaľona andro pherdo smirom.

1. Korinťanenge 1:3

Mi del tumen o Del, amaro Dad, the o Raj, o Ježiš Kristus, peskri milosť the smirom!

Rimanenge 14:17

Bo o kraľišagos le Devleskro nane o chaben the o pijiben, ale o spravodľišagos, o smirom the o radišagos andro Sveto Duchos.

O Evaňjelium le Janoskro 14:27

O smirom tumenge mukav; miro smirom tumenge dav. Ale me les tumenge na dav avke sar kada svetos. Tumare jile pes te na trapinen aňi te na predaran!

Zacharijaš 10:12

Me, o RAJ, len dava zor a andre miro nav dživena andro smirom,“ phenel o RAJ.

Efežanenge 3:16

hoj prekal o Duchos tumenge andral peskri barvaľi slava te del igen te zoraľol pro andruno manuš;

Žalmi 138:3

Sar ke tu vičinavas, odphenďal mange; iľal mandar e dar a diňal man zor.

Zacharijaš 10:6

Zoraľarava o kraľišagos le Judaskro a zachraňinava o kher le Jozefoskro. Anava len pale, bo som ke lende jileskro; ena, sar te len šoha na odčhiďomas, bo me som o RAJ, lengro Del, a me lenge odphenava pro modľitbi!

Žalmi 72:3

O verchi mi anen le manušenge o požehnaňje a o brehi o spravodľišagos.

Efežanenge 2:17

A sar avľa, kazinelas o smirom tumenge, save sanas dur le Devlestar, a o smirom the amenge le Židenge, save samas pašes.

Žalmi 85:8

RAJEJA, sikav amenge tiro verno kamiben a de amen tiro spaseňje!

Žalmi 84:7

Sar predžan prekal e avrišuki dolina, čerinen la pro than le prameňengro, the o jesuno brišind la učharel andro požehnaňje.

Zjaveňje 1:4

Me o Jan pozdravinav o efta khangera, so hine andre Azija. E milosť the o smirom tumenge Olestar, ko hin, ko sas a ko avela, the ole efta duchendar, save hine anglal leskro tronos,

Žalmi 85:10

Čačes ola, ko pes lestar daran, ena maj zachraňimen, hoj pes leskri slava pale te sikavel andre amari phuv!

2. Timoteoske 4:17

Ale o Raj ačhelas paš ma a zoraľarďa man, hoj te avel prekal mande vakerdo o evaňjelium a hoj les te šunen savore narodi. Somas avricirdlo andral o piskos le ľevoske.

Žalmi 72:7

avke andre le kraľiskre dživesa mi kvitňisaľol o spravodľivo a mi el pherdo smirom dži akor, medik na našľola o čhonoro.

Izajaš 26:12

RAJEJA, tu amen des o smirom; savoro, so amen dokerďam, tu vaš amenge kerďal.