Žalmi 26:4 - Le Devleskero Lav Andre Romaňi Čhib Slovensko 2021

⁴ Na bešavas le falošne manušenca, aňi man na zdžavas olenca, ko hine dujemujengre.

Žalmi 26:4 Referans Kwoze

Jeremijaš 15:17

Na bešav maškar ola, ko rado mulatinen, a na zabajinav man lenca. Angle oda, hoj šunav tire lava, bešav korkoro a hin andre mande pherdo choľi vaš oda, so kerde.

Žalmi 1:1

Bachtalo hin oda, ko na prilel o radi le nalačhe manušengre, na phirel pal o drom le binošnenca a na bešel maškar ola, ko asan le Devlestar,

Prislovja 13:20

Ko phirel le goďaverenca, ela goďaver, no ko pes ľikerel le dilinenca, namištes doperela.

Žalmi 119:115

Tumen, binošna manušale, džan mandar het, hoj te šaj man ľikerav mire Devleskre prikazaňjendar.

2. Korinťanenge 6:17

Vašoda: „Aven lendar avri a odďelinen tumen lendar, phenel o Raj, ma chuden tumen le nažužestar a me tumen prilava.

Žalmi 119:63

Som prijaťeľis savorenca, ko pes tutar daran a doľikeren tire prikazi.

1. Korinťanenge 15:33

Ma den tumen te klaminel: „Maškar o nalačhe manuša pes musarel o lačho charakteris.“

Prislovja 12:11

Ko kerel pre peskri maľa, čaľola le marestar, no oda, ko del peskro časos pre chocsoste, hino bi e goďi.

Prislovja 9:6

Omuken o nagoďaveripen a dživena, phiren pal o drom, so tumen dela goďi.“

O Job 31:5

Mi važinel man miro Del pre spravodľivo vaha a dikhela, hoj som ňevinno. Dikh, te somas falošno, te miro pindro siďarelas te thovel varekaha avri,

Žalmi 101:4

Mi aven dur o previsarde veci mire jilestar; pal o nalačho na kamav aňi te džanel.