Žalmi 25:4 - Le Devleskero Lav Andre Romaňi Čhib Slovensko 2021

⁴ RAJEJA, de mange te prindžarel tire droma! Sikav man te phirel pal tire chodňiki!

Žalmi 25:4 Referans Kwoze

Žalmi 86:11

Sikav man, RAJEJA, tiro drom a dživava pal tiro čačipen. De, hoj calo miro jilo te daral tire navestar.

Žalmi 27:11

RAJEJA, sikav mange tiro drom! Ľidža man pal o rovno chodňikos vaš ola, ko pre ma džan.

Žalmi 143:8

De, hoj tosara te šunav tiro verno kamiben, bo pre tute man mukav. Sikav mange o drom, khatar te džal, bo pačav andre tu.

Žalmi 5:8

Ale me prekal tiro baro kamiben džava andre tiro kher; andre sveto dar angle tute banďuvava visardo pre tiro sveto Chramos.

2. Mojžišoskro 33:13

Te arakhľom milosť andre tire jakha, ta de mange te džanel tire droma, hoj tut buter te prindžarav a te arakhav furt milosť andre tire jakha. Leper tuke, hoj kala nipi hine tire manuša.“

Žalmi 119:27

De mange te achaľol o drom tire prikazengro, hoj te gondoľinav pal tire užasna skutki.

Jeremijaš 6:16

Kada phenel o RAJ: „Zaačhen pro droma a rozdikhen tumen a phučen pal o phurikane chodňiki. Dophučen tumen, kaj hin oda lačho drom, a pal leste džan, avke arakhena o odpočinkos prekal tumari duša. Ale on odphende: ‚Na, amen na džas!‘

Izajaš 2:3

But manuša avena a phenena: „Aven džas upre pro verchos le RAJESKRO, andro Chramos le Jakoboskre Devleskro, hoj amen te sikavel peskre droma a hoj te phiras pal leskre chodňiki.“ Bo andral o Sion avela avri o zakonos a o lav le RAJESKRO andral o Jeruzalem.

Prislovja 8:20

Me phirav pal o čačipnaskre droma, pal o spravodľiva chodňiki,

Žalmi 5:1

Oleske, ko ľidžal o bašaviben pre flauta. Le Davidoskro žalmos.

1. Kraľengro 8:36

šun len avri andral o ňebos. Odmuk o bini tire izraelike manušenge, tire služobňikenge, sikav len, sar te džal pal tiro drom a de o brišind andre tiri phuv, so diňal sar ďeďictvos tire manušenge.