Žalmi 25:11 - Le Devleskero Lav Andre Romaňi Čhib Slovensko 2021

¹¹ Vaš tiro nav, RAJEJA, odmuk mange mire bini, bo hine bare.

Žalmi 25:11 Referans Kwoze

Žalmi 79:9

Pomožin amenge, Devla, Spasiťeľina amaro, ker oda pre slava tire naveske! Zachraňin amen a odmuk amenge amare bini angle tiro nav!

1. Jan 2:12

Pisinav tumenge, čhavorale, hoj vaš leskro nav tumenge hin odmukle o bini.

Žalmi 31:3

Visar ke ma tiro kan a av man sig te zachraňinel! Av miri zoraľi skala, o hrados mira spasakro.

Izajaš 43:25

Me, Me Som oda, ko tuke odmukel o bini; kerav oda prekal mande a imar šoha mange na leperava pre tire bini.

Rimanenge 5:15

Ale le Devleskre daroha oda hin avres sar le binoha. Bo te prekal jekhe manušeskro binos but džene mule, ta avke prekal e milosť jekhe manušeskri, le Ježišoskri Kristoskri, igen but rozbariľa le manušenge le Devleskri milosť the daros.

Ezechiel 36:22

Vašoda phen le Izraelitenge: ‚Kada phenel o RAJ, o Adonaj: Na kerav oda angle tumende, Izraelitale! Ale kerav oda angle miro sveto nav, savo tumen meľarďan andre maškar ola narodi, kaj geľan.

Ezechiel 20:9

Ale vaš miro nav oda na kerďom, hoj te na el meľardo anglo jakha avre narodengre, maškar save bešenas o Izraeliti. Ola narodi šaj dikhle, hoj man diňom te prindžarel le Izraelitenge akor, sar len iľom avri andral o Egipt.

Izajaš 48:9

Vaš miro nav odthovav miri choľi a vaš miri slava la tutar zľikerav, hoj tut calkom te na zňičinav.

Žalmi 109:21

Ale tu, RAJEJA, Adonaj, pomožin mange vaš tiro nav! Zachraňin man vaš oda, bo tiro verno kamiben hino lačho.

Žalmi 143:11

RAJEJA, obdžiďar man angle tiro nav; le man avri andral o pharipen, bo sal spravodľivo.

2. Mojžišoskro 34:7

Me presikavav e milosť le ezerenge a odmukav o nalačhipena, o vzburi the o bini, no the avke potrestinav dojekh binos: Vaš le dadengre bini marav lengre čhaven dži andro trito the štarto pokoleňje.“

Jeremijaš 14:7

O manuša phenen: „Kajte amare nalačhipena svedčinen pre amende, pomožin amenge, RAJEJA, hoj pes te na dikhel tele tiro nav. Bo buterval tutar odgeľam a kerahas o bini anglal tu.