Žalmi 19:8 - Le Devleskero Lav Andre Romaňi Čhib Slovensko 2021

⁸ Le RAJESKRO zakonos hino dokonalo, del amen nevi zor. Pre le RAJESKRE lava pes šaj te mukel; olestar, ko na achaľol, keren goďaver.

Žalmi 19:8 Referans Kwoze

Žalmi 12:6

Ale o RAJ phenel: „Akana vaš oda, hoj o slaba cerpinen a o čore roven dukhatar, uščava a zachraňinava olen, ko peske oda igen mangen.“

Žalmi 119:105

Tiro lav hin e momeľi mire pindreske a o švetlos mire chodňikoske.

Jeremijaš 15:16

Furt, sar ke ma avenas tire lava, chavas len; tire lava mange anen o radišagos a miro jilo lendar radisaľol, se me man vičinav pal tiro nav, RAJEJA, Nekzoraleder Devla.

Prislovja 30:5

Dojekh lav le Devleskro hino čačo, hino šťitos savorenge, ko ke leste denašen.

Žalmi 119:128

a savore tire prikazi ľikerav sar lačhe, vašoda našťi avri ačhav dojekh nalačho chodňikos.

Prislovja 2:6

Bo o RAJ del e goďi a andral leskro muj avel o goďaveripen the o prindžaripen.

Žalmi 119:92

Te mange tiro zakonos na anďahas o radišagos, muľomas andre miro pharipen.

Žalmi 119:80

Joj, te geľomas cale jileha pal tire sikavibena, hoj man te na ladžav.

Prislovja 6:23

Kala prikazaňja hine sar e lampa, o sikaviben sar o švetlos, o dovakeribena la kazňakre hine o drom le dživipnaskro,

Rimanenge 7:22

Bo andre miro andruno manuš dav radišagoha čačipen le Devleskre zakonos.

Galaťanenge 2:19

Bo me prekal o zakonos muľom le zakonoske, hoj te dživav le Devleske. Som ukrižimen jekhetane le Kristoha.

Rimanenge 3:20

Bo le zakonoskre skutkendar na ela anglal leste ospravedlňimen ňisavo manuš. Se prekal o zakonos pes prindžarel o binos.

Rimanenge 7:7

Akor so? Phenaha, hoj o zakonos hin binos? Šoha na! Ale o binos na prindžaravas, prindžarďom les ča prekal o zakonos. Bo aňi pal e žadosca na džanľomas, te na phenďahas o zakonos: „Na žadineha!“

Žalmi 119:16

Andre tire zakoni man hin radišagos, pre tiro lav na bisterav.

Žalmi 119:14

Radisaľuvav tire prikazaňjendar avke sar le bare barvaľipnastar.

Ezechiel 36:27

A dava mire Duchos andre tumende a kerava, hoj te dživen pal mire prikazaňja, te doľikeren mire zakoni a te keren len.

Žalmi 119:171

Mi prečuľan o chvali andral mire vušta, bo tu man sikaves tire prikazi.

Žalmi 119:143

O pharipen the o trapišagos pre ma aven, ale tire prikazaňja mange anen o radišagos.

Žalmi 119:130

O zjaveňje tire laveskro anel o švetlos; kerel goďaver olestar, ko na achaľol.

Žalmi 119:121

Keravas, so hin lačho the spravno, ma de man andro vasta olenge, ko man trapinen.

Žalmi 119:40

Igen man cirdav pal tire prikazi! Obdžiďar man tire spravodľišagoha.

Žalmi 119:12

Av barardo, RAJEJA! Sikav man tire zakoni!

Žalmi 105:45

O RAJ oda kerďa, hoj te doľikeren leskre prikazaňja a te šunen leskre zakoni. Haleluja!

Žalmi 40:8

Vašoda phenďom: „Kade som, avľom. Andro zvitkos hin pisimen pal ma.

Žalmi 13:3

Dži kana hordinava o pharipen andre duša a džives so džives e žaľa andro jilo? Dži kana pes miro ňeprijaťeľis pre mande ľidžala upre?

2. Mojžišoskro 18:16

Te len hin maškar peste vesekedišagos, aven ke mande, a rozsudzinav maškar lende, kaskro hin čačipen, a dav lenge te džanel le Devleskre zakoni the prikazaňja.“

1. Mojžišoskro 26:5

Bo o Abraham man šunelas a doľikerelas savore mire prikazaňja the zakoni, mire prikazi the lava.“

Galaťanenge 3:21

Ta akor, sar? Či o zakonos džal pro lava le Devleskre, so diňa? Na, šoha na! Bo te o manuša chudlehas ajso zakonos, so len šaj diňahas dživipen, ta akor sako, ko les doľikerďahas, uľahas ospravedlňimen.

Izajaš 64:5

Amen savore ačhiľam sar oda, ko hino nažužo, savore amare spravodľiva skutki hine sar o ruchos meľardo le rateha. Savore šučiľam avri sar prajti a amare bini amen len het sar balvaj.

Žalmi 119:54

Tire prikazaňja hine mire giľa, medik som hosťos pre kadi phuv.

Žalmi 119:24

Tire prikazaňja mange anen o radišagos, den man goďi so te kerel.

Nehemiaš 9:13

Avľal tele pro verchos Sinaj, prevakerďal ke lende andral o ňebos a diňal lenge o prikazaňja o zakoni, so hine čačipnaskre the lačhe.

Nehemiaš 8:12

Avke savore manuša gele khere te chal a te pijel, bičhavenas peske o chabena a oslavinenas bare radišagoha, bo achaľile o lava, so sas lenge pregende.

5. Mojžišoskro 16:14

Radisaľuv pre odi oslava tu, tire čhave the tire čhaja, tire sluhi the tire služki, o Leviti the o cudzinci, o široti the o vdovi, save bešen paš tute.

5. Mojžišoskro 16:11

Radisaľuv anglo RAJ, angle tiro Del, pre oda than, so peske kidela avri o RAJ, hoj les ode te lašaren. Radisaľuv tu, tire čhave the tire čhaja, tire sluhi the tire služki, o Leviti, save bešen andre tiro foros, the o cudzinci, o široti the o vdovi, save hine paš tute.

2. Kraľengro 17:37

Furt doľikeren mire lava, prikazi, zakoni the prikazaňja, so tumenge pisinďom, a avre devlen ma lašaren.

Žalmi 93:5

Tire zakoni pes šoha na čerinen, tiro chramos, RAJEJA, hino sveto pro furt.

Žalmi 111:7

Andre savoreste, so kerel, hino verno the spravodľivo, pre savore leskre prikazi pes šaj te zmukel.