Žalmi 18:32 - Le Devleskero Lav Andre Romaňi Čhib Slovensko 2021

³² Bo ko hin o Del, te na o RAJ? Ko hin e Skala, te na amaro Del?

Žalmi 18:32 Referans Kwoze

2. Korinťanenge 3:5

Amen našťi kajso vareso keras korkore pestar, ale amari zor hin le Devlestar.

Izajaš 45:5

Me som o RAJ, ňiko aver nane; aver Del nane, ča me. Diňom tut zor, kajte man na prindžares,

Žalmi 28:7

O RAJ hino miri zor the miro šťitos; miro jilo leske pačal. Ov mange pomožinďa, vašoda miro jilo igen radisaľol a mira giľaha leske paľikerava.

2. Samueloskro 22:33

O Del hino miro zoralo hrados a chraňinel man pre mire droma.

Žalmi 91:2

Phenava le RAJESKE: „Paš tute man denašav te garuvel, tu sal miro hrados, miro Del pre savo man mukav.“

Žalmi 93:1

O RAJ kraľinel, urďa pre peste o šukariben; o RAJ pes urďa a phandľa pašal peste e zor. He, o svetos zathoďa zorales, na čhalavela pes.

1. Samueloskro 19:8

Sar sas pale o mariben, o David geľa andro mariben pro Filišťinci a domarďa savoren avke, hoj denašenas anglal leste.

Izajaš 44:8

Ma daran tumen, ma izdran! Či oda me imar čirla na phenďom a na diňom te džanel? Tumen san mire švedki. Či hin varesavo aver Del? Nane, ča me. Nane aver Skala, pal ňisavi na džanav.“