Žalmi 18:27 - Le Devleskero Lav Andre Romaňi Čhib Slovensko 2021

²⁷ ko žužo sal the tu žužo, ale oles, ko hino previsardo andre peskro jilo, zachudeha tire goďaveripnaha.

Žalmi 18:27 Referans Kwoze

Jakob 2:5

Šunen, mire lačhe phralale! Či peske na kidňa o Del avri le čoren andral kada svetos, hoj te ačhen barvale andro pačaben a te prilen o kraľišagos, pal savo o Del diňa lav olenge, ko les kamen?

Izajaš 66:2

Se kada savoro stvorinďa miro vast a savoro hin miro,“ phenel o RAJ. „Ale me dikhav pre oda, ko hino pokorno, kerel pokaňje andral calo jilo a izdral mire lavestar.

Izajaš 57:15

Bo kada phenel o Del, savo hino baro a barardo, savo dživel furt a saveskro nav hin sveto: „Me bešav pro učo the sveto than, ale som the oleha, ko kerel pokaňje andral o jilo a hino pokorno andro duchos, hoj te obdžiďarav olen, ko hine pokorna andro duchos, the olen, ko keren pokaňje andral o jile.

Žalmi 101:5

Ko počoral vakerel namištes pal aver dženo, oleske phandava o muj. Kas hin barikane jakha a ko pes ľidžal upre, oles paš ma na zľidžava.

2. Samueloskro 22:28

Bo tu zachraňines le pokornen, a tire jakhenca dikhes pro barikane, hoj len te pokorines.

2. Korinťanenge 8:9

Se prindžaren e milosť amare Rajeskri le Ježišoskri Kristoskri. Sas barvalo, ale prekal tumende ačhiľa čoro, hoj tumen te barvaľon prekal leskro čoripen.

Žalmi 9:18

O nalačhe džana pro than le mulengro, savore narodi, so bisteren pro Del.

Izajaš 10:12

Sar o Raj dokerela savori peskri buči pro verchos Sion the andro Jeruzalem, phenela: „Marava le kraľis andral e Asirija vaš savoro leskro lašariben the savoro baripen.

Izajaš 3:9

Dičhol lenge pro muja, hoj hine binošna; presikaven pes le binenca avke sar e Sodoma, a na garuven len andre. Vigos lenge! Bo korkore peske keren e bibach!

Prislovja 30:12

varesave peske gondoľinen, hoj hine lačhe, ale nane obžužarde la meľatar;

Žalmi 40:17

Ale savore, ko tut roden, mi thoven baripen a mi radisaľon andre tu. Ola, ko kamen tiro spaseňje, mi phenen furt: „Baro hin o RAJ!“

Žalmi 34:19

O RAJ hino pašes olenge, kas hin dukh pro jilo, zachraňinel olen, ko imar na birinen pro duchos.

Žalmi 34:6

Ola, ko pre leste dikhena, švicinena, lengre muja pes šoha na ladžana.

Žalmi 17:13

Ušťi, RAJEJA, dža pre lende a čhiv len tele pro khoča! Zachraňin man tira šabľaha le nalačhe manušendar!

Žalmi 17:10

Andro jilo lenge nane pharo vaš aver a lengre vušta vakeren barikanes.

Žalmi 10:4

O nalačho le RAJES andre peskro baripen na rodel; nane les than pro Del andre peskre gondoľišagi.

Лукастар 18:14

Phenav tumenge, hoj leske sas odmukle o bini, sar geľa khere, a okleske na sas. Bo sako, ko pes hazdel upre, ela pokorimen, a oda, ko pes pokorinel, ela uprehazdlo.“

Hozeaš 4:6

Mire manuša meren, bo man na prindžaren. Vašoda, hoj tumen odčhiďan o prindžaripen, me tumen odčhivava andral e rašajiko služba. Vašoda, hoj bisterďan pro zakonos tumare Devleskro, the me bisterava pre tumare čhave.