Žalmi 18:14 - Le Devleskero Lav Andre Romaňi Čhib Slovensko 2021

¹⁴ O RAJ herminďa andral o ňebos, o hangos le Nekbaredere Devleskro šunďiľa, o krupi the o jagale angara.

Žalmi 18:14 Referans Kwoze

Žalmi 144:6

Bičhav tiro bleskos a roztrade tire ňeprijaťeľen, muk tire šipi a ker, hoj pes te rozdenašen.

Habakuk 3:11

O kham the o čhonoro zaačhen pre peskre thana; odcirden pes anglo švetlos tire šipengro the anglo leskos tira kopijakro.

Izajaš 30:30

O RAJ pes dela anglal peskre slavne hangoha a dela lenge te dikhel peskro vast, sar avel tele andre bari choľi la jagaha, so zlabarel, andro zoralo brišind, andre burka the andro bare krupi.

Žalmi 77:17

Dikhle tut o paňa, Devla, dikhle tut o paňa a chudle te izdral, the o hlbini le moroskre izdranas daratar.

O Job 6:4

Se hin andre ma o šipi le Nekzoraledereskre, miro duchos pijel lengro jedos; avle pre mande o strašna rani le Devleskre.

Jozua 10:10

O RAJ kerďa, hoj o Amorejčana la daratar ačhile sar bi e goďi anglo Izraeliti. Paš o Gibeon o Izraeliti igen but dženen murdarde a denašenas pal lende le dromeha upre pro Bet-Choron a murdarenas len dži paš e Azeka the Makeda.

5. Mojžišoskro 32:42

Mire šipi mačona le ratestar, ole dženengre ratestar, ko sas murdarde the zaile; miri šabľa chala o mas a odčhinela o šere lengre vodcenge.‘

5. Mojžišoskro 32:23

Mukava pre lende e pohroma pal e pohroma a ľivinava pre lende savore mire šipi.

4. Mojžišoskro 24:8

O Del, savo tut iľa avri andral o Egipt, marel pes vaš tuke zorales sar o bikos. Tu zňičineha peskre ňeprijaťeľen, phagereha lengre kokala a ľivineha len le šipenca.

Žalmi 21:12

Kamenas tuke te kerel o nalačhipen a gondoľinenas avri o pasci, ale na avle lenge avri,

O Job 38:35

Šaj bičhaves le blesken, hoj te džan? Či phenena tuke: ‚Kade sam!‘?

1. Samueloskro 2:10

Ola, ko džan pro RAJ, ena zňičimen, herminela pre lende andral o ňebos. O RAJ sudzinela caľi phuv. Peskre kraľis dela zor; hazdela upre peskre pomazimen muršes.“

O Job 37:4

Paľis leskro hangos zorales šunďol; herminel peskre bare slavne hangoha, na zaačhavel o bleski, sar vakerel.

O Job 37:5

O Del herminel peskre vakeribnaha, šunďol oda igen užasnones; ov kerel bare veci, save amen našťi achaľuvas.

Žalmi 29:3

O hangos le RAJESKRO šunďol upral o paňa, o slavno Del herminďa, o RAJ upral o bare paňa.

Žalmi 29:7

O hangos le RAJESKRO mukel avri o jagale bleski.

Žalmi 77:18

O chmari čhorenas avri o paňi, o ňebos herminelas a tire šipi ľecinenas pre savore seri.

Joel 2:11

Le RAJESKRO hangos del rozkazis peskra armada, leskre slugaďa hine igen but a ola, ko keren oda, so phenel, hine igen zorale. O Džives le RAJESKRO hino baro a igen strašno! Ko ačhela te dživel?