Žalmi 149:3 - Le Devleskero Lav Andre Romaňi Čhib Slovensko 2021

³ Le kheľibnaha mi lašaren leskro nav, mi giľaven leske paš e bubna the citara.

Žalmi 149:3 Referans Kwoze

Jeremijaš 31:13

E terňi džuvľi khelela a radisaľola, a the o terne murša le phurenca jekhetane. Lengro roviben čerinava pro radišagos, lava lendar o pharipen the o trapišagos a dava len o radišagos.

Žalmi 81:2

Radisaľon andro Del, ov hin amari zor! Zorales bararen le Jakoboskre Devles!

2. Mojžišoskro 15:20

E prorokiňa Mirijam, le Aronoskri pheň, iľa andro vast e čerkutka a pal late džanas savore džuvľija. Bašavenas pro čerkutki the khelenas.

Žalmi 30:11

Šun man avri, RAJEJA! Presikav mange tiro jileskeriben! RAJEJA, pomožin mange!“

2. Samueloskro 6:16

Sar e archa le Devleskri avelas andro Jeruzalem, le Sauloskri čhaj e Mikal dikhelas avri prekal e oblaka. Sar dikhľa le kraľis le David, sar chučkerel a khelel anglo RAJ, dikhľa les tele andre peskro jilo.

2. Samueloskro 6:14

Pro David sas urdo andro efodos le ľanostar a khelelas andral caľi peskri zor anglo RAJ.

Sudcengro 11:34

Sar o Jeftah avelas pale khere andre Micpa, leskri čhaj avľa avri anglal leste le kheľibnaha the bašavibnaha pre tamburina. Sas les ča jekh čhajori, na sas les ňisave aver čhave.

Žalmi 33:2

Lašaren le RAJES pre citara, bašaven leske pre dešehurengri harfa!

Ezdraš 3:10

Sar chudle te kerel o chramoskre zakladi, o rašaja ačhenas urde andro ruchi le trubenca pre peskre thana a o Leviti andral le Asafoskri famelija ačhenas pre peskre thana le cimbalmenca, hoj te lašaren le RAJES, avke sar diňa avri o kraľis David.

1. Kronicko 16:42

O Heman the o Jedutun pes starinenas pal o trubi, pal o cimbalmi the pal aver nastroji pro lašariben. Le Jedutunoskre čhave ačhenas paš e brana.

2. Kronicko 29:25

O Chizkija andro Chramos ačhaďa le Leviten le cimbalmenca, harfenca the citarenca, bo kavke prikazinďa o David, bo o RAJ leske avke vakerelas prekal peskre proroka o Gad the o Natan.

1. Kronicko 25:6

Savore kale muršen ľidžanas lengre dada o Asaf, o Jedutun the o Heman ko bašaviben pro citari, pro cimbalmi the pro harfi, sar giľavenas paš e služba andro Chramos le RAJESKRO pro prikazis le kraľiskro.

2. Kronicko 20:28

Sar doavle andro Jeruzalem, gele paš o Chramos le RAJESKRO le bašavibnaha pro harfi, pro citari the pro trubi.

Žalmi 81:3

Giľaven, bašaven pre čerkutka, zorales bašaven pre citara the pre harfa!

Žalmi 87:7

A khelena a giľavena: „Andre tu hin savore prameňa, khatar aven mire požehnaňja.“

Jeremijaš 31:4

Pale tut ačhavava upre, a tu, pačivaľi čhaje le Izraeloskri, aveha pale upreačhaďi. Pale tut šukaľareha le čerkutkenca a džaha te khelel olenca, so radisaľon.