Žalmi 148:14 - Le Devleskero Lav Andre Romaňi Čhib Slovensko 2021

¹⁴ Ov diňa zor peskre narodos, hoj les te lašaren savore leskre pačivale – o Izraeliti, o manuša, save leske hine pašes paš o jilo. Haleluja!

Žalmi 148:14 Referans Kwoze

Žalmi 75:10

Ale me furt vakerava pal tute, giľavava o chvali tuke, Devla le Jakoboskro.

Efežanenge 2:17

A sar avľa, kazinelas o smirom tumenge, save sanas dur le Devlestar, a o smirom the amenge le Židenge, save samas pašes.

5. Mojžišoskro 4:7

Hin varekhaj ajso baro narodos, kaske lengre devla ulehas avke pašes, sar amenge hin o RAJ, amaro Del, kana ča ke leste vičinas?

1. Samueloskro 2:1

E Anna pes modľinelas kavke: „O jilo mange radisaľol andro RAJ; o RAJ man diňa zor. Miro muj asal mire ňeprijaťeľendar! Radisaľuvav, bo tu man zachraňinďal.

1. Peter 2:9

Ale tumen san o avrikidle manuša, o kraľika rašaja, o sveto narodos a le Devleskre zvlaštna manuša, hoj te vakeren avri ola bare veci, so kerel o Del, savo tumen vičinďa avri andral o kaľipen andre peskro igen šukar švetlos.

5. Mojžišoskro 10:21

Lašaren les, bo ov hino tumaro Del a pre tumare jakha dikhľan ola bare the užasna zazraki, so prekal tumende kerďa.

Žalmi 112:9

Rozčhivel ščirones a del le čore manušen; leskro spravodľišagos ačhela pro furt; leskri zor pes hazdela upre andre slava.

Efežanenge 2:13

Tumen, so sanas varekana dur, san akana andro Ježiš Kristus pašes paš o Del prekal o rat le Kristoskro.

Žalmi 149:9

hoj len te sudzinen, avke sar hin pisimen. Oda ela pre slava savore leskre pačivale manušenge. Haleluja!

Efežanenge 2:19

Avke akana imar na san sar cudzinci, abo sar ola, ko avle andral aver phuv, ale san kade khere jekhetane le Devleskre manušenca andre jekh famelija le Devleskri.

Лукастар 2:32

o švetlos, hoj te švicinel le narodenge, the e slava tire manušengri, le Izraeloskri.“

Лукастар 1:52

le zoralen čhiďa tele pal o tronos a hazdňa upre olen, ko sas teledikhle;

Jeremijaš 17:14

Sasťar man, RAJEJA, a avava sasto, zachraňin man a avava zachraňimen, bo tu sal oda, kas lašarav.

Žalmi 145:10

RAJEJA, mi paľikerel tuke savoro tiro stvoreňje, mi lašaren tut tire pačivale manuša.

Žalmi 92:10

Se dikh, RAJEJA, tire ňeprijaťeľa! Se dikh, tire ňeprijaťeľa našľona! Savore, ko keren o nalačhipen, pes rozdenašena.

Žalmi 89:17

Tire navestar radisaľon calo džives a andre tiro spravodľišagos ačhen,

Žalmi 89:18

bo tu sal lengri slava the zor a tire lačhipnaha barol amari zor.