Žalmi 143:7 - Le Devleskero Lav Andre Romaňi Čhib Slovensko 2021

⁷ So neksigeder mange odphen, RAJEJA, miro duchos imar na birinel! Ma garuv mange tiro muj, hoj te na dičhuvav avri sar ola, ko džan tele andro hrobos.

Žalmi 143:7 Referans Kwoze

Žalmi 69:17

De tut anglal ke mande, RAJEJA, bo tiro verno kamiben hino lačho. Visaľuv ke ma andre tiro baro jileskeriben.

Žalmi 28:1

Le Davidoskro žalmos. RAJEJA, vičinav ke tute! Skalo miri, prithov tiro kan ke ma! Te aveha čhit, avava ajso sar ola, ko džan tele andro hrobos.

Žalmi 27:9

Ma garuv mange tiro muj! Ma visar tut choľaha tire služobňikostar, se tu mange pomožinehas! Ma odčhiv man aňi ma omuk, Devla, Spasiťeľina miro!

Žalmi 71:12

Devla, ma dža mandar dur! Devla miro, siďar mange te pomožinel!

Izajaš 38:18

Se o Šeol tut na bararela aňi o meriben tut na lašarela; ola, ko džan tele andro hrobos, pes imar na mukena pre tiri vernosť.

Žalmi 102:2

RAJEJA, šun avri miri modľitba; mi džal miro mangipen ke tute!

Žalmi 69:3

Tasľuvav andre bari čik, nane man pre soste te uštarel. Dochudňom man andro bare paňa, o prudos man začhivel andre.

Лукастар 21:26

O nipi merena daratar olestar, sar užarena, so avela pro svetos, bo o ňeboskre zora pes čhalavena.

Izajaš 57:16

Bo na kamav furt te rušel pre mire manuša aňi na avava pre lende večňe choľamen, bo te uľomas, savore manuša mulehas avri – savoro džido dichos, so stvorinďom.

Izajaš 8:17

Užarava pro RAJ, savo peske garuďa o muj anglo potomki le Jakoboskre; mukava man pre leste.

Žalmi 70:5

Mi radisaľon a mi thoven baripen andre tu savore, ko tut roden. Ola, ko kamen tiro spaseňje, furt mi phenen: „O Del hino baro!“

Žalmi 40:17

Ale savore, ko tut roden, mi thoven baripen a mi radisaľon andre tu. Ola, ko kamen tiro spaseňje, mi phenen furt: „Baro hin o RAJ!“

Žalmi 22:24

Tumen, so daran le RAJESTAR, lašaren les! Savore Jakoboskre čhavale, bararen le RAJES! Savore Izraeloskre čhavale, daran lestar!

Žalmi 84:2

Savo šukar hin oda than, kaj bešes, ó, Nekzoraleder RAJEJA!

Žalmi 69:18

Ma garuv tiro muj tire služobňikoske; odphen mange sig, bo hin mange phares.

Prislovja 13:12

Te pes na ačhel oda, pre soste pes o manuš zmukel, leskro jilo nasvaľol, ale te chudel, so igen mangelas, hin leske oda sar o stromos le dživipnaskro.