Žalmi 14:3 - Le Devleskero Lav Andre Romaňi Čhib Slovensko 2021

³ Sako pes visarďa het, sako ačhiľa nalačho; nane ňiko, ko kerďahas o lačho, nane aňi jekh.

Žalmi 14:3 Referans Kwoze

Izajaš 53:6

Amen savore samas sar o našade bakrore; sako džahas peskre dromeha, ale o RAJ thoďa pre leste amare savoredženengre nalačhipena.

Izajaš 64:6

Nane ňiko, ko lašarďahas tiro nav, ňiko pes tutar na kamel te chudel. Garuďal tiro muj angle amende a omukľal amen angle amare bini.

Rimanenge 3:23

bo savore manuša kerde bini a nane len le Devleskri slava.

Žalmi 14:1

Oleske, ko ľidžal o bašaviben. Le Davidoskro žalmos. O diline peske phenen andro jilo: „Nane Del!“ Previsarde hine a keren o džungale veci; nane ňiko, ko kerďahas o lačhipen.

O Job 14:4

Ko šaj kerel le nažuže manušestar žužo manuš? Ňiko!

Žalmi 58:3

Na! Bo tumare jilenca gondoľinen pro nalačhipen a tumare vastenca anen o maribena pre phuv!

Efežanenge 2:3

The amen savore varekana lenca dživahas andro žadosci le ťeloskre a kerahas oda, so kamelas amaro ťelos the amari goďi a avke sar the okla manuša peske zaslužinahas te cerpinel le Devleskri choľi.

Žalmi 143:2

Ma sudzin tire služobňikos, bo ňisavo džido manuš nane spravodľivo anglal tu.

Ezechiel 36:25

A pokropinava tumen le žuže paňeha a avena žuže. Me tumen žužarava savore tumare nažužipnastar the savore tumare modlendar.

Jeremijaš 2:13

„Mire manuša kerde duj bini: Omukle man, le prameňis le džide paňeskro, a kopaľinde peske avri o cisterni, o pukimen cisterni, save andre peste našťi zľikeren o paňi.

2. Korinťanenge 7:1

Mire lačhe phralale, te amen o Del diňa kajse lava, žužaras pes savorestar, so meľarel o ťelos the o duchos, hoj te avas andre savoreste sveta a te daras le Devlestar.

Žalmi 119:176

Bludzinav sar o našado bakroro. Av te rodel tire služobňikos, se me na bisterďom pre tire prikazaňja.

Kazaťeľis 7:29

Avľom ča pre kada: O Del stvorinďa le manušen čačipnaskren, ale o manuša roden te kerel but nalačhe veci.“

Žalmi 38:5

Bo mire bini man zaile andre, sar baro pharipen, so hin phareder sar šaj zľidžav.

5. Mojžišoskro 1:35

‚Andral kada nalačho pokoleňje ňiko na džala andre kadi lačhi phuv, pal savi la veraha diňom lav, hoj la dava tumare dadenge.

1. Korinťanenge 6:5

Phenav oda, hoj tumen te ladžan! So, nane maškar tumende aňi jekh goďaver manuš, savo džanel te rozsudzinel o veci maškar peskre phrala?

O Job 15:16

Ta akor keci buter o džungalo the previsardo manuš, savo pijel o nalačhipen sar o paňi!?

2. Mojžišoskro 12:30

Odi rat o Faraonos, leskre uradňika the savore Egipťana ušťiľe, bo sas baro roviben pal calo Egipt. Na sas kher, andre savo na sas murdardo ešebno čhavoro.

1. Mojžišoskro 6:12

O Del dikhľa, hoj e phuv hiňi musarďi le binostar, bo savore manuša pre phuv dživenas igen binošno dživipen.

Kazaťeľis 7:20

Nane pre phuv ňisavo čačipnaskro manuš, savo kerel o lačho a na kerel binos.