Žalmi 129:5 - Le Devleskero Lav Andre Romaňi Čhib Slovensko 2021

⁵ Mi visaľon pale ladžaha savore, ko našťi avri ačhen o Sion!

Žalmi 129:5 Referans Kwoze

Izajaš 37:35

‚Me braňinava kada foros a zachraňinava les vaš ma the vaš o David, miro služobňikos.‘ “

Žalmi 71:13

De, hoj pes te ladžan a te aven zňičimen ola, ko džan pre miro dživipen. Mi ladžan pes a mi en pokorimen ola, ko man kamen te dukhavel.

Zacharijaš 12:3

Andre oda džives kerava, hoj o Jeruzalem te el sar pharo bar prekal savore narodi. Savore, ko les kamena te hazdel, pes dukhavena, no savore narodi pre phuv pes zdžana pre leste.“

Micheaš 4:11

Ale akana pes pre tute skiden but narodi a phenen: „Mi el o Jeruzalem meľardo andre! Amare jakha mi dikhen pro Sion, hoj hino telečhido!“

Izajaš 10:12

Sar o Raj dokerela savori peskri buči pro verchos Sion the andro Jeruzalem, phenela: „Marava le kraľis andral e Asirija vaš savoro leskro lašariben the savoro baripen.

Ester 6:13

Rozvakerďa oda savoro avri peskra romňake la Zerešake the peskre prijaťeľenge, so pes leske ačhiľa. Leskre goďaver murša the e romňi e Zereš phende: „Te hino o Mordekaj andral o židoviko narodos, phenav tuke, kada hin mekča o agor oleske, so pes tuha ačhela, hoj na zviťazineha upral leste. De tuke pozoris, bo čačes na dopereha mištes.“

1. Korinťanenge 16:22

Te vareko na kamel le Rajes, mi el prekošlo! Maranatha! Av, Rajeja amaro!

Zacharijaš 12:6

Andre oda džives kerava, hoj o vodci le Judaskre te aven sar o jagale angara andro kašta the sar e jagaľi fakľa maškar o snopi. Zňičinena savore naroden pašal peste pal e čači the baľogňi sera, ale le Jeruzalemoskre manuša ačhena furt pre peskro than andro Jeruzalem.

Izajaš 37:22

kada hin o lav, so leske phenel o RAJ: ‚E pačivaľi čhaj le Sionoskri tutar asal a tele tut dikhel. E čhaj le Jeruzalemoskri pal tu kivinel le šereha, sar adarik denašes.

Žalmi 122:6

Modľinen tumen vaš o smirom prekal o Jeruzalem a phenen: „Bachtale ola, ko tut kamen!

Ester 9:5

Akor o Židi marenas savore peskren ňeprijaťeľen le šabľenca a mudarkerenas len avri, hoj ňiko lendar te na ačhel džido. Kerenas lenca, so ča kamenas.

Nehemiaš 6:16

Sar pes savore amare ňeprijaťeľa pal oda došunde a sar oda dikhle o narodi, save bešenas pašal amende, daranas pes a sas pokorimen. Džanenas, hoj o Del amenge pomožinďa te dokerel kadi buči.

Žalmi 40:15

Savore, ko mange kamen te lel o dživipen, pes mi ladžan a mi ľoľon avri. Mi visaren pes pale ladžaha ola, ko mange žičinen o trapišagos.

Izajaš 29:8

Avke sar o bokhalo džal suno, hoj chal, ale sar ušťel, nane čalo, abo avke sar o smedno džal suno, hoj pijel, ale sar ušťel, šučarel les a smadzinel, avke doperena but džene savore narodendar, so pes maren le verchoha Sionoha.