Žalmi 124:3 - Le Devleskero Lav Andre Romaňi Čhib Slovensko 2021

³ chalehas amen tele džidonen, sar lengri choľi pre amende rozlabiľa;

Žalmi 124:3 Referans Kwoze

Skutki 9:2

a mangľa lestar o ľila pro sinagogi andro Damašek, hoj te rodel avri ole muršen the ole džuvľen, save džan pal o drom le Rajeskro, hoj len te phandel andre a te anel len andro Jeruzalem.

Matuš 2:16

Sar dikhľa o Herodes, hoj o goďaver murša leha thode avri, igen choľisaľiľa. Diňa te murdarel savore muršoren dži duj berš andro Betlehem the pašal caľi odi phuv, pal oda časos, pre savo pes mištes dophučľa le goďavere muršendar.

Daniel 3:19

Akor o Nebukadnecar igen choľisaľiľa, o muj pes leske čerinďa a sas igen choľamen pro Šadrach, Mešach the Abed-Nego. Diňa prikazis, hoj te rozlabaren o bov eftavar buter, sar oda kerenas angloda.

Žalmi 57:3

Ko Del vičinav, ko Nekbareder, ko Del, savo man zaačhel.

Žalmi 35:25

Te na peske gondoľinen: „Avke leske kampel! Kada kamahas!“ Te na phenen: „Chaľam les tele!“

Žalmi 27:2

Sar pre mande avle o nalačhe manuša, hoj man te chan tele, podgele o pindre mire ňeprijaťeľenge the olenge, ko pre mande džan, a pele.

Jeremijaš 51:34

„Chaľa amen a zňičinďa o babiloňiko kraľis o Nebukadnecar. Čučarďa amen sar taňiris; preľiginďa amen sar obluda. Pherarďa peske o per amare barvaľipnaha a paľis amen čhandľa avri.

Prislovja 1:12

Av, zachas leskro dživipen sar o Šeol a chas les calones sar oles, ko džal tele andre chev.

Žalmi 83:4

Gondoľinen avri o nalačhe plani pre tire manuša, den pes radi pre ola, save hine tuke vzacna.

Žalmi 76:10

sar tu, Devla, ušťiľal upre, hoj te sudzines; te zachraňines savore strapimen manušen pre phuv.

Žalmi 74:8

Phende peske: „Calkom len zňičinaha!“ Andre phuv labarde avri savore thana, kaj pes lašarelas le Devles.

Ester 3:6

A mek sar pes došunďa o Haman, andral savo narodos o Mordekaj hino, phenďa peske: „Na murdarava ča les, ale the calo leskro židoviko narodos, so dživen andre calo kraľišagos le Ahasveroskro.“

Žalmi 83:5

Phenen: „Aven, murdaras len avri, hoj te na ačhen narodoske, hoj pes imar šoha te na leperel pro nav le Izraeloskro!“